Kóshpeli murajaı «Saryarqanyń kóne joldary», «Eskertkishter – tarıhtyń únsiz kýágerleri», «Ýaqyt úndestigi» syndy taqyryptar arqyly kózi qaraqty kórermenderdi tarıhtyń tereń qoınaýyna saparlatpaq. – Bizdiń murajaıda búgingi kúni 50 myńnan astam jádiger bar. Olardyń ishinde sırek kezdesetin dúnıeler de tabylady. Bul kórmege biz 70 jádiger alyp keldik. Olardyń barlyǵy – túpnusqa. Bıylǵy jyly ótken «Tarıhta óz atyńdy qaldyr» atty aksııa sheńberinde Taıjan Qalmaǵambetovtiń urpaqtary bizdiń murajaıǵa onyń syrnaıyn qaldyrǵan edi. Ony da osynda alyp keldik, – deıdi Jezqazǵan tarıhı-arheologııalyq murajaıynyń dırektory Raýshan Qapparova. Kórmege kelýshiler bylǵarydan, qazaq halqynyń aǵash pen metaldan jasalǵan ydystaryn, qymyz saqtaýǵa arnalǵan qumyra, bıe sútin quıatyn bylǵary mes, keselerge arnalǵan qutylar, erlerdiń beldikteri, áıelderdiń áshekeılerin kóre alady.
Mıras ASAN,
«Egemen Qazaqstan»
Qaraǵandy oblysy,
Jezqazǵan qalasy
