18 naýryzda májilis depýtaty Nıkolaı Arsıýtın eriktilerge qosymsha áleýmettik qoldaý sharalaryn qarastyrýdy usynǵan. Onyń ishinde ómirdi saqtandyrý máselesi de bar. Balaevanyń aıtýynsha, bul bastama qazir qarastyrylyp jatyr.
«Múddeli memlekettik organdarmen birlesip, tótenshe jaǵdaılardyń saldaryn joıýǵa, joǵalǵan adamdardy izdeýge jáne ómiri men densaýlyǵyna naqty qaýip tónetin ózge de qyzmet túrlerine qatysatyn eriktilerdiń ómiri men densaýlyǵyn saqtandyrý máselesi qaralyp jatyr. Usynylyp otyrǵan sharalar 2030 jylǵa deıingi volonterlikti damytý jónindegi jańa tujyrymdamada kórinis tabady», delingen jaýapta.
Sondaı-aq Arsıýtın volonterlik qyzmet kezeńin eńbek ótiline esepteý máselesin de kótergen. Vıse-premer bul másele 2022 jyly da qaralǵanyn atap ótti. Alaıda Eńbek jáne halyqty áleýmettik qorǵaý mınıstrligi bul usynysty qoldamaǵan.
Aıda Balaevanyń aıtýynsha, halyqaralyq tájirıbede de volonterlik qyzmet eńbek ótiline teńestirilmeıdi.
