KADR SAIаSATY JAŃAShA JANDANADY

Keshe “Nur Otan” HDP Ortalyq apparatynda “Kadrlyq rezerv” baǵdarlamasynyń tujyrymdamasyn ázirleý jónindegi jumys komıssııasynyń kezekti otyrysy ótti. Otyrysqa Memlekettik qyzmet isteri jónindegi agenttik, Prezıdent janyndaǵy Memlekettik basqarý akademııasynyń ókilderi qatysty. Basqosý kezinde sóz alǵan “Nur Otan” HDP Tóraǵasynyń birinshi orynbasary Nurlan Nyǵmatýlın saıası, áleýmettik, ıdeologııalyq jáne basqarýshylyq qyzmetterdi ke­shendi júzege asyrý úshin bılik par­tııasyna úlken jaýapkershilik júk­te­letinin, bul rette memleket bas­qarýshy kadrlardy irikteýge aıryq­sha mán berýi qajettigin atap ótti. “Memleket basshysy, “Nur Otan” HDP Tóraǵasy Nursultan Na­zarbaev memlekettik kadr saıasatyn iske asyrý úshin partııa aldyna úl­ken mindetter qoıyp, sol boıynsha atqarylatyn jumystardyń qarqy­nyn kúsheıtý baǵytynda tapsyr­ma­lar júktegeni belgili. Saıası, ákim­shi­lik jáne saılaý qyzmetterin bas­shylyqqa alǵan “kadrlyq rezerv” baǵdarlamasy, mine, osynyń negizine aınalýy tıis. Úkimettiń ótken jyly atqarǵan jumysy týraly esebin tyń­daý barysynda Memleket basshysy kadr­lyq saıasatty júzege asyrý kezin­de kezdesken birqatar kemshilikterdi kórsetip, eldegi kadr saıasatynyń jandanýyna aıryqsha nazar aýdarǵan bolatyn. Sol ýaqyttan beri “Nur Otan” HDP osy másele tóńireginde bir­qatar jumystardy qolǵa aldy”, dedi N.Nyǵmatýlın. Onyń sózine qaraǵanda, bılik partııasy óz kásibı biliktiligi men azamattyq ustanym­da­ryn, qarym-qabiletin qoǵam múd­desine saı júzege asyrýǵa daıyn jáne júzege asyra alatyn, ıaǵnı qolynan is keletin tulǵalardy anyqtaýǵa jáne kótermeleýge yqpal etý baǵytynda jumystar júrgize bastaǵan eken. “Bul rette partııa Tóraǵasynyń tikeleı bastamasymen qolǵa alynǵan “kadrlyq rezerv” jobasy bizdiń bas­ty baǵdarymyzdyń birine aınalyp otyr. Sebebi, Elbasy tapsyrma­la­ryn, partııanyń joba-josparlaryn joǵary deńgeıde oryndaý úshin  jumys isteı alatyn bilimdi, tájirı­beli, daryndy, ómirdi jaqsy biletin, qolynan is keletin azamattar qajet. Bul oraıda, sapaly mamandardy daı­yndap, tájirıbeli kadrlyq rezervti jasaqtaýymyz qajet”, dedi partııa Tóraǵasynyń birinshi orynbasary. Basqosý kezinde ańǵarǵanymyz, kadrlyq rezervti qurý jáne damytý, oǵan jastardy tartý – el damýyna jańasha yqpal etpek. Bul oraıda, memlekettik qyzmetke qabyldanǵysy keletin jastarǵa qoıylatyn talapty, ıaǵnı baıqaý sharttaryn kúrdelendirý qajettigi aıtyldy. Máselen, oty­rys­qa qatysýshylardyń aıtýynsha, memlekettik qyzmetke qabyldaıtyn synaqtar kóp jaǵdaıda azamattardyń tolyq bilim-biligin aıqyndaýǵa múmkindik bermeıdi eken. Sol úshin baıqaý sharttaryna ózgerister engizip, jańasha jandandyrý qajet. “Osydan 10 jyl buryn bizdiń aldymyzda partııa músheleriniń qataryn kóbeıtý tursa, búgin solardyń sapasyn kóterýge aıryqsha mán berilýde. Qoǵamnyń kez kelgen salasynda kadr saıasatynyń alatyn orny orasan. Sebebi, básekege qabiletti mamandar memleket aldynda turǵan ózekti máselelerdiń túıinin sheshýge áser etetin bolady”, dedi N. Nyǵmatýlın. Láıla EDILQYZY. JEŃISTIŃ DÁMI TALPYNYSYNAN BILINEDI “Nur Otan” HDP – bılik partııasy. Alaıda, basqa partııalarǵa qaraǵanda aıymyz ońynan, juldyzymyz solynan týǵan, bolyp tolǵan partııamyz dep bekerge maqtanǵa boı aldyryp júrýge bolmaıdy. Halyq sendi, taǵdyryn senip tapsyrdy, sol qurmetke laıyq is qylý kerek. Memlekettiń, halyqtyń túıindi máseleleriniń oń sheshilýine yqpal etip, eldi el qylatyn, kesel is-áreket­ter­diń aldyn alǵany abzal. Qazaqstan Prezıdenti, partııa Tóraǵasy Nursultan Nazarbaev 2008 jyly 6 qarashada ótken forýmda Partııalyq baqylaý komıtetiniń erekshe rólin anyqtap, komıtet qurý týraly sheshimin aıtqan edi. Partııalyq baqylaý komıtetiniń qurylýy jańa serpilis ákeldi. Komıtet senim bildirilip tapsyrylǵan mindetter men tapsyrmalardy oryndaý barysynda naqty sheshimderge qol jetkize bastady. Jaqynda “Nur Otan” HDP Partııalyq ba­qy­laý komıtetiniń múshesi, “Egemen Qazaqstan” respýblıkalyq gazeti” AQ prezıdenti Saýytbek Abdrahmanov Ońtústik Qazaqstan oblysyna ar­naıy saparmen kelip, birneshe aýdan, qala­lar­da­ǵy máslıhattardyń depýtattyq fraksııalar jetekshileriniń esebin tyńdady. Otyrar aýda­nyn­daǵy kezdesýde “Nur Otan” HDP OQO fı­lıaly tóraǵasynyń birinshi orynbasary Ulasbek Sádibekov saparnamanyń maqsat-muratyn tú­sin­dirdi. Partııanyń aımaqtardaǵy belsendiligin kóterý máselesi kún tártibinde turǵandyǵyn aıtty. Otyrardaǵy fılıal tóraǵasy, Otyrar aýdandyq máslıhatynyń hatshysy Ádilhan Maqa­taı kirispe sózinde partııa músheleriniń sany aýdan­da 2920 adam, depýtattyq fraksııa múshe­leriniń sany segiz ekendigin jetkizdi. Fraksııa tóraıymy Márııa Belgibaı baıandama jasady. – Qaıyrymdylyq qaltanyń qalyńdyǵymen ólshenbeıdi, júrektiń úlkendigimen ólshenedi, – dedi ol. – Adam balasyna adam dep qaraýdyń ózi qaıyrymdylyq. Aýdanymyzda “Nur Otan” HDP múshesi, halyq aqyny Á.Qalybekovanyń bastaýymen “Jetim kórseń, jebeı júr” atty aksııa ótkizilip, bir úıde jetim qalǵan 6 balaǵa aýdandyq “Nur Otan” HDP músheleri jáne fraksııa depýtattarynyń tikeleı atsalysýymen úı alyp berdik. Olardyń sál de bolsa rýhyn kóterip, Otanyna, eline degen súıispenshiligin oıattyq. Olar Otanynyń saıaly qanatynyń arqasynda ósip kele jatqan egemen elimizdiń urpaqtary ekendigin sezindi. Sondaı-aq qazirgi tańda mektep bitirýshi tul jetimderdi tegin oqytýmen aınalysýda meniń basty maqsatym bolyp otyr. Osy másele jóninde Almaty qalasyndaǵy Bank isi akademııasynyń prezıdentimen kelisýdemin. Jylda bir-eki balany tegin oqytýǵa kelisim berdi. Qytaı oıshyly Konfýsıı aıtqan eken: “О́zgeniń jaǵdaıyn jaqsartýdy maqsat tutqan adamnyń óz jaǵdaıy da jaqsara túsedi”, dep. Otyrarda elge bolsyn deıtin ká­sip­kerler de az emes. Kásipkerler­diń qoldaýymen 2 mln. 250 myń teńge qarjy jınaldy. Ol qarjy­dan turmysy tómen, úıi qulaý ús­tinde turǵan, ózi múgedek, áıeli naý­qas Tólegen Tóleýovke úı áperildi. Osy sııaqty Zııash Sholaqovaǵa da úı salyp berý jobalanyp, qazir irgetasy quıylyp, qurylys materıaldary alyndy. Elbasynyń arnaıy tapsyr­ma­symen qolǵa alynǵan “Jol kar­tasy”, “100 mektep, 100 aýrýhana” baǵdarlamasynyń aýdanda oryn­dalýyna baılanysty partııalyq baqylaý komıssııasynyń tóraǵasy Q.Nálibek habarlama jasady. Merdigerlerdiń salǵyrttyǵynan, atqarǵan jumystarynyń sapasyz­dyǵynan jelge ushqan bıýdjet qar­jylary bar ekendigi anyqtalǵan. Ony merdiger qarjysyna tııanaqty oryndatý komıssııanyń baqy­laýynda. Aýdan ákiminiń orynbasary Jaq­sybek Asylbek Elbasynyń tikeleı baqy­laýynda turǵan memlekettik baǵdarlamalardyń oryndalý barysyn baıandady. Elge eńbegi ótken bir qadirmendi qarııa aýdanǵa jyl saıyn bólinip jatqan qarjynyń moldyǵyna masattanyp, “daǵdarys kezinde osynshama qarjyǵa qolymyz jetse, osynyń bolyp turǵanynyń ózi jaqsy eken-aý”, depti. Daǵdarystan jaqsylyq kútý ásheıin aıtyla salǵan lebiz ǵoı. Elbasynyń tapsyrmasymen telegeı teńiz qarjy quıylyp jatsa, ol memleket qorjynynda basy artyq aqshanyń kóptiginen emes. Aýyl, aýdan, qala halqy daǵdarmasyn, jaǵdaıy ońalsyn, damý jolyna tússin degen jaqsy nıetten týǵan talpynys. Sol qarjynyń shyp-shyrǵasyn shyǵarmaı jyrtyq, jamaýyn bútindep alsa, irge bútindeldi degen sol. Túrkistan qalasynda “Nur Otan” partııasy músheleriniń sany 10975 adamǵa jetken. Depýtattyq fraksııa múshelerimen bolǵan júzdesýdi tóraǵanyń birinshi orynbasary Almasbek Temirbaev júrgizip otyrdy. Aýdandyq fılıaldyń burynǵy tóraǵasy Janbolat Ibragımov oblysqa qyzmet aýystyrǵandyqtan, qalalyq fılıal tóraǵasyz jumys isteýde. Onysy atqarylǵan jumystardan sezilip qaldy. Jıynda depýtattyq fraksııa tóraıymy Taskúl Mahmutova jasalǵan jumystar jóninde esep berdi. Alaıda, oblystyq fılıal tóraǵa­synyń birinshi orynbasary Ulasbek Sádibekov atqarylǵan jumystarǵa qanaǵattanbaǵandyǵyn bildirip qaldy. Partııalyq baqylaý komıssııasy tóraǵasy orynbasarynyń baıandamasyndaǵy málimetter taq-tuq. Jurttyń joǵaryǵa shaǵynyp aryz-shaǵym jazatyn óńirleriniń biri – Túrkistan. “Arqada qys jaıly bolsa, arqar aýyp nesi bar” demekshi, aýdandyq fılıal jaýapty organdar arqyly aq-qarasyn anyqtatyp jatsa, jábirle­gen adamdar jany yshqynyp arasha surar ma edi?! Saıram aýdanynda ótken jıynda da fraksııa tóraǵasy men partııalyq baqylaý komıssııasy tóraǵalarynyń esebi tyńdaldy. 300 myńǵa deıin jurt jaılaıtyn Saıramda partııa músheleriniń sany – 7045. 19 bastaýysh partııa uıymy bar. Jyp-jylmaǵaı, jadaǵaı baıandamalar olqylyqtardyń ornyn toltyra almaq emes. Partııa qatarynan sybaılas jemqorlyqqa baılanysty aýdan ákiminiń orynbasary men aýylsharýashylyq bólimi bastyǵynyń shyǵa­rylǵandyǵy oılantatyn-aq másele. Shymkent qalasynda ótken jıynda depýtattardyń joǵary belsendiligi ańǵaryldy. Shymkent qalalyq fılıalynda fraksııa músheleri men partııalyq baqylaý komıssııasy jandy jumys júrgizip jatyr. Shıkili-pisili máselelerge partııa turǵysynan baqylaý myqty. Máselelerdi ákimdik aldyna ótkir qoıa alady. Jıynǵa qatysyp otyrǵan qala ákimi Arman Jetpisbaevtyń túıindi sózderinen de atqarylyp jatqan jumystar ańǵarylyp qaldy. 2007 jyly sebeptisi bar, sebepsizi bar 26 mektep dırektory jumysynan alynypty. Keıbiri zańsyz qýdalaýǵa túsken. Byltyr 6 dırektor jumysyn ótkizip berse, onyń 5-ýi zeınet jasyna jetken. Iаǵnı, sybaılastyq jemqorlyqtyń adymy qysqaryp, salamatty ahýal qalyptasyp keledi. Qalada mektepter jetispeıdi. Balabaqshaǵa 30 myń búldirshin kezekte tur. Kezek-kezegimen ınternetke kóshirilgendikten, tamyr-tanystyqpen eshkim tizim aldyna túse almaıdy. Ár ata-ana ınternetten óz kezeginiń jyljý úderisin kórip otyrady. Jer telimin alý kezeginde 50 myńnan astam qalalyq tirkelgen. Munda da birde-bir jer “Nur Otan” HDP Shymkent qalalyq fılıaly partııalyq baqylaý komıssııasy men depýtattyq fraksııa músheleriniń qatysýynsyz berilmeıdi. Halyq múddesi qorǵalatyn jerde partııa músheleriniń jaýaptylyǵy ańǵarylady. Elbasy óziniń dástúrli Joldaýynda jáne “Nur Otan” HDP-nyń kezekten tys HII sezinde “Turǵyn úı salýdyń memlekettik baǵdarlamasy”, “Taza sý”, “100 mektep, 100 aýrýhana” baǵdarlamalaryna sáıkes salynyp jatqan qurylys nysandarynyń ýaqtyly, sapaly salynýyna, bıýdjetten bólingen qarjyǵa partııa tarapynan baqylaýdy kúsheıtýi tapsyrǵan. Osyǵan baılanysty barlyq qala, aýdandarda 488 partııalyq baqylaý beketteri ashylyp, oǵan múshelikke 1468 adam tartylǵan. Medısına salasyndaǵy ózgeristerge oraı “Aıbolıt” balalar emhanasyndaǵy jaǵdaımen tanysqan S.Abdrahmanov sol kúni oblys ákimi, “Nur Otan” HDP oblystyq fılıalynyń tóraǵasy Asqar Myrzahmetovpen kezdesti. Oblys basshysy óńirdegi jaǵdaıdy júıe-júıesimen baıandap berdi. Sheshilmeı turǵan máseleler jetkilikti. Ákimdiktiń orasan kúsh salýynyń arqasynda negizgi problemalar jilikteldi. Ony aıaǵyna jetkizýde partııa músheleriniń belsendiligi qajet bolady. Depýtattyń mindeti – depýtat aralaspasa bitpeıtin sharýalardy aıaǵyna deıin jetkizý. Mundaıda, memlekettik baǵdarlamamen kelgen qarjyǵa jasalǵan jumystardy maldanýǵa bolmaıdy. О́z bastamasy, qosymsha resýrstar tartý arqyly eldiń jaǵdaıyn jaqsartýǵa qyzmet etý partııanyń belsendiligin arttyrady. Kezdesýde osyndaı oılar aıtyldy. Baqtııar TAIJAN. BAǴALAI BILMEGENGE BAQ QONBAIDY “Nur Otan” HDP Partııalyq baqylaý komıtetiniń múshesi, “Ege­men Qazaqstan” respýblıkalyq gazeti” AQ prezıdenti Saýytbek Ab­drahmanov aýdan, qalalarda ót­ken jıyndardyń bárinde qory­tyn­dy sóz sóılep, suraqtarǵa jaýap berdi. Memleketimizdiń jul­d­yzdy sátti basynan keshirip, Eýropa tórine shyǵýymen partııa múshelerin quttyqtady. Bul me­reıli mindet partııanyń el, qoǵam aldyndaǵy jaýapkershiligin buryn­ǵydan da arttyratyndyǵyn aıtty. El ishindegi keıbir jelaýyzdar Qazaqstan ómirindegi jaqsylyq­tar­dy qara boıaýmen kórsetýge yn­taly. Jurt senetindeı etip aıtady. Osyǵan partııa músheleriniń toı­ta­rys beretindeı bilim-biligi, parasaty qajet. Salystyrmaly túrde alsaq, Qazaqstannyń ishki jalpy ónimi segiz esege artyp, Ýkraınamen teńesti. 16 mıllıon halqy bar Qazaqstan men 50 mıl­lıon halqy bar Ýkraınanyń teńe­sýi ýkraın halqy úshin jaqsylyq bolyp kelgen joq. Keshegi pre­zıdenttik saılaýda 5 paıyz ǵana daýys alǵan prezıdent basqarǵan elde osyndaı soraqy jaǵdaılar bolady. Áıtpese, 1946 jyly BUU-ǵa múshelikke ótken Ýkrınanyń óndiristik áleýeti orasan kúshti edi ǵoı. Dneprdiń ústinen astyna bir tireý qoımaı temir balqytyp kópir salǵan memlekettiń túbine el basshylarynyń berekesizdigi jetken syńaıly. Al, Qazaqstan daǵdarys kezinde áleýetin saqtap qaldy. Elbasynyń pármenimen memleket tórt iri bankke 10 mlrd. dollar qarjy quıyp, bankrottyqtan aman alyp qaldy. Bankterdiń saýyǵýy – halyq úshin úlken nesibe. Daǵdarys talaı myqty mem­leketterdi táltirektetip ketti. Baltyq jaǵalaýyndaǵy elderde jalaqy 15 paıyzǵa, zeınetqy 10 paıyzǵa azaıdy. Sharasyzdyqtan barǵan amal ekenin jurt túsindi. Al, bizde jalaqy men zeınetaqy udaıy ósýmen keledi. Jurt Elbasynyń Joldaýynan Úkimettiń qandaı máselelerdi sheshýge tapsyrmalar alǵandyǵyn emes, osyndaı jeńildikter kútetin boldy. Munyń aıaǵy – masyldyq pıǵyl. Qazaqstan – shıkizatqa baı el. Álemde shıkizat narqy tómen­dep, eksport jáne azaıǵandyqtan, jeńil qarjy bolmaıdy. El osyny túsinip, úkimettik tapsyrmalardyń sheshilýine aldymen múddeli bolýy kerek. Osyndaı jaqsylyqtarǵa uıytqy bolyp otyrǵan partııanyń baǵasyn bildirý, qadirin arttyrý partııa múshelerine úlken syn bolǵaly tur. Elbasynyń bedelin betperde qyla bermeı, partııanyń óz belsendiligin arttyrý jaǵdaıyn oılasý kerek. Halyq pen bılik – bir uǵym. Halyq bılikti ózi qalyptastyratyndyǵyn sezine bastady. “Nur Otan” HDP-ǵa senim bildirýi de sonyń aıǵaǵy. Sondyqtan, kóshbasshy partııa halyqqa shynaıy qyzmetin burynǵysynan da jaqsy jolǵa qoıyp aımaqtardaǵy jumysyn shıratýy qajet. Jıynda osyndaı oılar aıtyldy. Ońtústik Qazaqstan oblysy.