R. Sklıar Quryq portynyń birinshi iske qosý kesheni – temir jol paromy – 2016 jyly paıdalanýǵa berilgenin jáne onyń qýattylyǵy 4 mln tonnany quraıtynyn atap ótti. Bıyl jeltoqsan aıynda aıaqtalatyn ekinshi kezeńdi engizý júk avtokólikteriniń tasymalyn júzege asyrýǵa múmkindik beredi, sondaı-aq taǵy qosymsha 2 mln tonna ótkizý qýattylyǵyn qosady.
Spıkerdiń aıtýynsha, qazirgi tańda birinshi kezeńde 70-ke jýyq jumys orny ashylǵan, jumysshylardyń jartysynan kóbi – jergilikti turǵyndar, ekinshi kezeńdi engizgennen keıin nysanda shamamen 250 adam jumys isteıtin bolady, sondaı-aq, negizinen jergilikti mamandardy tartý kózdelgen.
«Quryq portyndaǵy parom kesheniniń ótkizý qabileti 6 mln tonnany quraıdy. Atalǵan parom kesheni óziniń ornalasqan jerimen tıimdi erekshelenedi, sebebi onda júkterdi, sonymen qatar qaýipti júkterdi aýystyryp tıeý múmkindigi bar. Parom keshenine keletin Borjaqty – Ersaı temirjol jelisi de úlken ótkizý qabiletin beredi, sol sebepti de, biz 2020 jylǵa qaraı barlyq parom qýattylyǵy is júzinde 90% paıdalanylatyn bolady dep esepteımiz», – dedi R. Sklıar.
