Ázirdiń ózinde oblystyń barlyq aýdan, qalalarynda 1630 otbasyǵa 445,0 mln. teńgege shartty aqshalaı kómek berilip, eńbekke qabiletti otbasy músheleriniń 95,2 paıyzy jumyspen qamtylǵan. Bul týraly oblys ákimi J: Túımebaevtyń tóraǵalyǵymen ótken jıynda oblystyq jumyspen qamtýdy úılestirý jáne áleýmettik baǵdarlamalar basqarmasynyń basshysy Muhıt Otarshıev málim etti.
2018 jyldyń 1 qańtarynan bastap qazirgi úsh túrli áleýmettik tólemder ornyna ataýly áleýmettik kómektiń jańa formaty engiziletin bolady. Qıyn jaǵdaıǵa tap bolǵan jáne obektıvti sebepterge (jasy, densaýlyq jaǵdaıy, múgedektik jáne ózge áleýmettik osaldyq) baılanysty azamattarǵa shartsyz kómek usynylmaq. Bir sózben aıtqanda, kúnkóris deńgeıiniń 60 paıyzynan tómen turatyn az qamtamasyz etilgen azamattarǵa jumyspen qamtýdyń belsendi sharalaryna qatysqan jaǵdaıda shartty aqshalaı kómek kórsetiletin bolady.
«2015 jyly "О́rleý" jobasy bizdiń oblysta pılottyq joba retinde 4 aımaqta ıaǵnı Arys, Túlkibas, Saryaǵash, Tólebı aýdandarynda endirilip, 139 otbasyǵa 23,0 mln. teńgege shartty aqshalaı kómek kórsetildi. Otbasy músheleriniń eńbekke jaramdy 167 adamy jumyspen qamtyldy. 2016 jyly «О́rleý» jobasy oblystyń barlyq aýdan, qalalarynda endirilip, 1630 otbasyǵa 445,0 mln. teńgege shartty aqshalaı kómek taǵaıyndaldy», - deıdi Muhıt Baımuhanbetuly.
Oblysta shartty aqshalaı kómektiń birjolǵy tólemderine basymdyq berilýde. Shartty aqshalaı kómektiń birjolǵy somasy jeke qosalqy sharýashylyqty damytý men jeke kásipkerlik qyzmetti uıymdastyrýǵa jumsalatyn bolady. «О́rleý» jobasyna qatysýshylardyń qatarynda 454 adam jeke kásipker retinde salyq organdaryna tirkelip, óz isin ashqan. Atqarylǵan jumystarǵa qanyqqan óńir basshysy «О́rleý» jobasynyń halyq arasynda nasıhattalýyna kúsh salyp, shartty aqshalaı kómekti eńbek pen kásipke beıimi bar azamattarǵa berýdi tapsyrdy.
«Taıaýda ǵana óńirimizge elimizdiń Eńbek jáne halyqty áleýmettik qorǵaý mınıstri Tamara Dúısenova kelip, «О́rleý» jobasynyń iske asý barysyn baǵamdap ketti. Atalǵan pılottyq jobanyń iske asýyna aýdan, qala ákimderi men tıisti bólim basshylary jumyla kirisýi tıis. Eń bastysy, sharty aqshalaı kómekter shynaıy naǵyz kómekke zárý azamattarǵa berilip, jobany halyqqa keńinen túsindirý qajet», - dedi J. Túımebaev.
Aıta keteıik, «О́rleý» jobasyn iske asyrý nátıjesinde jyl saıyn ósip turatyn 18 jasqa deıingi balalarǵa arnalǵan járdemaqy alýshylardyń sany 7,8 paıyzǵa tómendep, 59 myń otbasyny quraǵan. Shartty aqshalaı kómek alýshylardyń tabystary 3,3 esege artyp otyr.
