Áskerı-tehnıkalyq mektep Martbek Mamyraevtiń atyn ıelengen. Músinniń avtory sáýletshi Elı Kachýev. Salatantty ashylýynda batyrdyń týystary men qyzy Klara Martbekqyzy Mamyraeva, sonymen qatar qalalyq máslıhat hatshysy Qudaıbergen Beksultanov, Oktıabr aýdanynyń ákimi Álimjan Qanaev, ardagerler keńesiniń tóraǵasy Marat Seıfýlluly Aımaǵambetov qatysty.
Martbek Mamyraev - 1908 jyly 2 naýryzda №20 aýylda (qazirgi Qarqaraly aýdanynyń Aqjol aýylynda) dúnıege kelgen. 1942 jyly Uly Otan soǵysyna attanady. Dneprdy alýda tanytqan áskerı erligi úshin Martbek Mamyraevqa KSRO Joǵary Keńesiniń Prezıdıým Jarlyǵymen 1944 jyly 15 qańtarda Keńes Odaǵynyń batyry ataǵy men Lenın ordeni jáne «Altyn juldyz» medali berilgen. Keńes áskeriniń quramynan demobılızasııalanǵan soń Martbek Mamyraev Kırov atyndaǵy shahtada partııa uıymyn basqardy, odan keıin Qraǵandy qalasynyń Lenın aýdandyq partııa komıtetiniń birinshi hatshysy boldy, kenshiler astanasy atqarý komıteti tóraǵasynyń orynbasarlyǵyna saılandy. О́miriniń sońǵy kezinde ol hımııa-metallýrgııa ınstıtýtynda eńbek etti.
