– Biz qolǵa alǵan aksııanyń basty maqsaty – bıznestiń áleýmettik jaýapkershiligin arttyrý, memleket-jekemenshik áriptestigi mehanızmin odan ári damytý, sonymen qatar, óńirdiń áleýmettik-ekonomıkalyq ilgerileýine yqpal jasaý. Bul rette Aqtóbe óńirinen shyqqan jerlesterimiz mol úles qosady degen oıdamyz, – dedi ol.
Bıylǵy birinshi jartyjyldyqtyń qorytyndysy boıynsha oblysta jalpy quny 1 mıllıard teńgeden asatyn 338 joba júzege asyryldy. Belsendi azamattardyń, bıznesmender men mesenattardyń kómegimen aǵymdaǵy jyly jalpy quny 2,8 mıllıard teńge bolatyn 555 jobany iske qosý josparda tur.
Demeýshilik qarajattar arqyly áleýmettik nysandardyń qurylysy, qaıta qalpyna keltirý jáne zamanaýı qural-jabdyqtarmen jaraqtandyrý, eldi mekenderdi abattandyrý, sondaı-aq joldardy jóndeý jumystary júrgizilip, turǵyndardyń ózge de mańyzdy máseleleri sheshimin tabýda.
Uıymdastyrý komıtetiniń tóraıymy atap kórsetkendeı, áleýmettik jobalardyń basym kópshiligi – oblys ortalyǵynda. Olardyń qatarynda hokkeı modýli men densaýlyq saıabaǵynyń, tarıhı-ólketaný murajaıynyń, gúlzarlar men saıajoldardyń qurylystary bar. Alǵa aýdanynda eleýli jumystar atqarylýda. Munda jalpy quny 417 mıllıon teńgege baǵalanatyn 17 joba júzege asyrylmaqshy. Qazirdiń ózinde on bir jobanyń jumysy aıaqtaldy.
Qobda aýdanynda josparlanǵan 13 jobanyń segizi óz sheshimin tapty. Aýdan ortalyǵynda «Otan Ana» demalys saıabaǵy ashyldy. Bul sharany atqarýǵa mesenattar bólgen 40 mıllıon teńge qarjy jumsaldy.
Áıteke bı aýdanynda mektep stadıony qalpyna keltirilse, Baıǵanın óńirinde klýb pen saıabaq qurylysy júzege asyp, Qarǵalyda aýdan mektepterin kompıýter tehnıkasymen jaraqtandyrý kózdelýde. Atap aıtarlyǵy, osy jumystardyń barlyǵy da osy elden shyqqan azamattardyń aralasýymen, qoldaýymen atqarylmaqshy.
– «Aqtóbe – qutty meken» forýmy qyrkúıek aıynyń sońǵy onkúndiginde ótkiziledi dep josparlap otyrmyz. Oǵan álemniń 15 elinen 300-den astam jerlesimiz qatysady dep otyrmyz. Qazirdiń ózinde 218 adamnan habarlama tústi. Amerıka Qurama Shtattarynda turatyn aqtóbelik dańqty jerlesimiz, ataqty gımnasshy Valerıı Lıýkın bizdiń shaqyrýymyzǵa alǵashqylardyń qatarynda ún qosty. Kóptegen bıznesmender týǵan jerdi túletýge múddelilik tanytýda. Olarǵa júzege asyrylýyn kútip turǵan ınvestısııalyq jobalar usynylmaqshy. Máskeýdegi Oleg Gaıdanov basqaratyn Aqtóbe jerlestigi uıymy da osy sharaǵa uıymshyldyqpen qatyspaqshy. 30-dan astam maman dárigerler elge qarap eleńdep otyr. Olardyń kóshbasynda Serik Aqsholaqov, Jaqsylyq Dosqalıev sekildi belgili azamattarymyz bar. Sondaı-aq, osy qarsańda Aqtóbe óńiriniń kórnekti azamattary qamtylatyn ensıklopedııalyq jınaq jaryqqa shyqpaqshy, – dedi odan ári Sánııa Musaqyzy.
...Týǵan jerge búıregi burylmaıtyn adam bolmaıtyn shyǵar. Bul shara sondaı izgi murattar men ıgilikti isterdiń jarshysy bola bermek.
Nurmuhanbet DIIаROV,
jýrnalıst
AQTО́BE
