Munyń aldynda Ǵalymjan Pirmatov QR Ulttyq banki tóraǵasynyń orynbasary qyzmetinde bolǵan.
Ǵalymjan Pirmatov 1972 jylǵy 24 sáýirde dúnıege kelgen. 1993 jyly Novosibir memlekettik ýnıversıtetin "Mehanıka, qoldanbaly matematıka" mamandyǵy boıynsha bitirgen. Qazaqstan Menedjment, Ekonomıka jáne Boljaý Instıtýtyn (1995 jyl) jáne AQSh-tyń Vıllamet Ýnıversıteti Djorj H. Atkınson atyndaǵy Joǵary menedjment mektebin (2001 jyl) bitirgendigi týraly eki Iskerlik basqarý magıstri (MVA) dárejesi bar. Pirmatov eńbek qyzmetin 1994 jyly "Altyn-Tas" BK-de bastaǵan. 1998 jyldan bastap túrli uıymdarda, onyń ishinde sheteldik uıymdarda (AQSh, Ýkraına) orta býyndaǵy basshy laýazymdaryn atqarǵan.
2005-2007 jyldary "Qazaqstan Halyq Banki" AQ jobalyq qarjylandyrý basqarmasynyń bastyǵy, sodan keıin Investısııalyq bankıng departamentiniń basqarýshy dırektory - dırektory laýazymdaryn atqarǵan.
2007 jylǵy jeltoqsanda Qazaqstan Respýblıkasynyń Ekonomıka jáne bıýdjettik josparlaý vıse-mınıstri laýazymyna taǵaıyndaldy.
2009 jylǵy naýryz - shilde aralyǵyndaǵy kezeńde "BTA Bank" AQ Basqarma Tóraǵasynyń Birinshi orynbasary, Basqarma múshesi boldy.
2009–2011 jyldar aralyǵyndaǵy kezeńde "QazAtomО́nerkásip" UAK" AQ Ekonomıka jáne qarjy jónindegi vıse-prezıdenti laýazymyn atqarǵan.
2011 jyldan beri "Cameco Kazakhstan" JShS Prezıdenti.
2011 jyly QR Prezıdentiniń janyndaǵy Qazaqstannyń sheteldik ınvestorlar keńesi qaýymdastyǵynyń Basqarma Tóraǵasy bolyp taǵaıyndaldy. 2014 jylǵy qarashadan bastap - "Altyn Bank" AQ ("Qazaqstan Halyq Banki" AQ EB) Dırektorlar keńesiniń múshesi, táýelsiz dırektory.
Qazaqstan Respýblıkasy Prezıdentiniń 2015 jylǵy 7 jeltoqsandaǵy О́kimimen Ǵ.O. Pirmatov Qazaqstan Respýblıkasynyń Ulttyq Banki Tóraǵasynyń orynbasary bolyp taǵaıyndalǵan.
Osy qyzmette buǵan deıin Asqar Jumaǵalıev bolǵan edi. Taıaýda ol QR premer-mınıstriniń orynbasary qyzmetine taǵaıyndaldy.
