Kezdesý barysynda makroekonomıkalyq jáne salyq-bıýdjet saıasaty, bank sektorynyń qyzmeti boıynsha HVQ-men ózara is-qımyl máseleleri talqylandy. Budan ózge, taraptar «Nurly Jol» jáne «100 naqty qadam» Ult jospary aýqymdy baǵdarlamalaryn, jekeshelendirý baǵdarlamasyn iske asyrý barysyn jáne «Astana» Halyqaralyq qarjy ortalyǵy jobasynyń perspektıvalaryn talqylady.
Anyqtama:
Qazaqstan Respýblıkasy táýelsizdiktiń alǵashqy jyldary HVQ-dan materıaldyq kómek alý quqyǵyn paıdalandy. Ekonomıka damýynyń oń serpininiń arqasynda Qazaqstan Respýblıkasy HVQ nesıe jelileri boıynsha mindettemelerin 2000 jylǵy 24 mamyrda ótedi.
Qazirgi ýaqytta Qazaqstan HVQ-dan qaryz alýdy josparlamaıdy. Eldiń Qormen ózara is-qımylynda makroekonomıka, aqsha-nesıe jáne qazynalyq saıasat salasyndaǵy úzdik keńesshilermen jumystaǵy HVQ tájirıbesin zertteýdi eskere otyryp, tehnıkalyq kómek tartýǵa basa kóńil bólinedi.
