«Golden Boy» promoýterlik kompanııasynyń basshysy Erık Gomes kelissózderge arnalǵan alǵashqy kezdesý AQSh-tyń Los-Anjeles qalasynda ótetinin aıtty. «Eń bastysy, eki boksshy da qarymta jekpe-jekti qalap otyr.
«Meksıkanyń «Sınko de Maıo» meıramyna arnalǵan demalystar (5 mamyr, senbi) eń yńǵaıly ýaqyt bolatyn sııaqty. Bizge atalǵan data unap tur. Sebebi ol úlken boks keshin uıymdastyrýǵa qolaıly. Basqa sporttyq sharalarǵa da kedergi jasap otyrǵan joq. Endi, ol kezde ádettegideı Kentýkkıdegi at jarysy bolady. Alaıda odan basqa ýnıversıetter arasyndaǵy fýtbol da, Ulttyq fýtbol lıgasynyń oıyndary da ótpeıdi. Beısbol sáýirde bastalady», dedi Gomes The Ring jýrnalyna bergen suxbatynda.
Aıta keteıik, buǵan deıin GGG-diń promoýteri Tom Leffler de aralyq jekpe-jekterge qaraǵanda, Saýl Alvarespen revansh ótkizýge basymdyq berip jatqanyn jetkizgen. Bul kezdesýdi GGG-diń ózi de qalap otyr.
