Aýyr atletıkadan álem chempıonaty AQSh-tyń Anahaım qalasynda 28 qarasha men 5 jeltoqsan aralyǵynda ótedi. Bir jylǵa Qazaqstan, Reseı, Qytaı, Belarýs, Ázerbaıjan, Túrkııa jáne Moldavııa federasııalary shettetildi. Bul elderdiń 2008 jáne 2012 jylǵy Olımpıadalarda qaıta júrgizilgen dopıng-testileýden úsh nemese odan kóp sportshysynyń qan quramynan tyıym salynǵan zattar tabylǵan.
Osylaısha osy elderdiń aýyr atletteri bir jylǵa IWF aıasyndaǵy barlyq halyqaralyq jarystan shettetilip otyr.
Eske salaıyq, munyń aldynda Aýyr atletıkadan Qazaqstan quramasyna dopıng ereje buzýshylyqtaryna baılanysty Anahaımada ótetin 2017 jylǵy álem chempıonatyna qatysýǵa tyıym salynatyny habarlanǵan edi.
