– Oıyn kóńilimnen shyqqanymen, nátıje kóńil qýantarlyq emes ekeni barshańyzǵa belgili. Matchta jekelegen qatelikter jibergenimiz ras. Atalǵan kezdesý qatelikterimizben taǵy da kóbirek jumys isteýimiz kerek ekenin kórsetti. Birneshe gol soǵatyn múmkindigimizdi paıdalana almadyq. Biraq, oıynshylaryma eshqandaı kiná arta almaımyn. Barlyǵy berilgen tapsyrmany tolyq oryndap shyqty.
– Fýtbol mamandary búgin qaqpamyzdy Davıd Lorııa qorǵaıdy dep boljap jatty. Alaıda, Stas Pakatılovty alańǵa shyǵardyńyz...
– Rýmynııaǵa qarsy oqý-jattyǵý kezinde Pokatılov ózin jaqsy qyrynnan kórsetken bolatyn. Sóıtip, qaqpashylar bapkeri búgingi oıynǵa Stasty shyǵarýdy jón sanady. Búgingi oıynda ol keıbir sátterde qaqpamyzdy goldan aman saqtap qaldy. Keı sátte qateleskeni ras. Dese de bapkerler quramy durys sheshim qabyldy ma joq pa, ony bilmedim.
– Rýmynııa quramasy týraly ne aıtasyz? Jańa bapkerdiń jumysyna qandaı baǵa beresiz? Qazaqstan men Rýmynııada ótken oıynda qandaı ózgeristi baıqadyńyz?
– О́zimniń áriptesterimdi bir-birimen salystyrǵym kelmeıdi. Biraq, quramalaryńyz búgin óte jaqsy oıyn kórsetti. Tehnıkasy myqty oıynshylaryńyz kóp ekenin baıqadyq...
– Baıjanov, Nóserbaev, Tuńǵyshbaev sekildi fýtbolshylardy búgin alańǵa shyǵarmadyńyz. Olardy Armenııaǵa qarsy oıynǵa saqtap qaldyńyz ba?
– Solaı dese de bolady. О́ıtkeni, aldaǵy oıynǵa Súıimbaev pen Qýat sary qaǵazyna baılanysty qatysa almaıdy. Sondaı-aq Taǵybergendi de kelesi oıynǵa saqtap qalý úshin aýystyrdym.
– Birinshi taımnan soń Azat Nurǵalıevti almastyrǵanyńyzǵa qaraǵanda jaraqaty aýyr sııaqty ma?
– Ázirshe naqty eshnárse aıta almaımyn. Dárigerlerimiz tolyq tekserip bolǵan soń belgili bolmaq. Bári jaqsy bolyp, Azattyń Armenııaǵa qarsy alańǵa shyqqanyn tileımin.
– Búgin oıyn tájirıbesi az bolǵan Baýyrjan Turysbek kútpegen jerden gol soqty. Eger quramanyń tájirıbeli oıynshylary jaraqatyna jáne eskertý qaǵazdaryna baılanysty saptan shyqpaǵanda, Turysbektiń quramada oınaýǵa qanshalyqty múmkindigi bar edi?
– Baýyrjan Turysbekte oıyn tájirıbesi az degenge kelispeımin. Ol sońǵy oıyndarda alańda 90 mınýt oınap júr. Sondyqtan ony ulttyq quramaǵa shaqyrdym. Onyń ózi de quramaǵa beker shaqyrmaǵanyn búgin golmen dáleldedi. Matchqa ekinshi taımda qosylǵanymen, búgingi oıyny kóńilimnen shyqty.
Álı BITО́RE,
«Egemen Qazaqstan» –
Býharestten
Sýret avtory – Ilııas Omarov
