Úkimettik emes uıymdar belsendiligi

Densaýlyq saqtaý mınıstrligi Medısınalyq jáne farmasev­tı­kalyq qyzmetti baqylaý komıteti tóraǵasynyń orynbasary D.Esi­movtiń tóraǵalyǵymen jumys­shy keńesi ótti. Keńes jumysyna úkimettik emes uıymdar, komı­tet­tiń aýmaqtyq bólimsheleriniń qyz­metkerleri qatysty. Jıyndy ótkizýdegi maqsat, úki­mettik emes uıymdarmen birge densaýlyq saqtaý salasynda biliktilik emtıhandaryn ótkizýdi jú­­­zege asyrý tetigin talqylaý edi. Aǵymdaǵy jyly Qazaqstan Respýblıkasynyń densaýlyq saq­­taý salasyn damytýdyń 2011-2015 jyldarǵa arnalǵan «Sala­mat­ty Qazaqstan» memlekettik baǵ­darlamasyn iske asyrý bary­synda azamattyq qoǵamdastyq pen úkimettik emes uıymdardy tartý qarastyrylǵan. Bul joba, eń al­dy­men, medısına qyzmet­ker­le­ri­niń, atap aıtqanda kásiptik orta­daǵy biliktilik deńgeıin anyq­taýǵa baǵyttalǵan. Bul maman­dar­dyń teorııalyq jáne praktıkalyq daǵdylaryn jaqsy meńgerýine yqpal etedi. Keńeste komıtettiń, onyń aý­maqtyq bólimsheleri men áleý­met­tik tapsyrys sheńberinde atalǵan qyzmetterdi memlekettik satyp alý jónindegi konkýrstyń jeńim­pazdary bolyp tanylǵan 4 úki­mettik emes uıymnyń («Ult­­tyq medısınalyq qaýymdastyq» RQB, «Astana qalasynyń táý­elsiz me­dısınalyq sarapshylar qaýym­dastyǵy» QB, «Jambyl oblysy boıynsha táýelsiz medı­sınalyq sarapshylar qaýym­das­tyǵy» QB, «Almaty qalasy boı­ynsha táý­elsiz medısınalyq sa­rap­shylar qaýymdastyǵy» QB) ózara is-áreket etý máseleleri, sondaı-aq ákimshilik kedergilerdi tómen­de­týge, baqylaý-ruqsat berý fýnk­sııa­laryn qysqartýǵa baı­la­nys­ty basqa da máseleler talqy­landy. «Egemen-aqparat».