Lıvııany bombalaý toqtatylady

BUU Qaýipsizdik Keńesi 2011 jyldyń 1 qarashasynan Lıvııanyń ústinen ushyp ótýge bolmaıtyn aımaqty ashý jóninde sheshim qabyldady. Qaýipsizdik Keńesi osy máselege baılanysty arnaıy qarar qabyldap otyr. Ol NATO-nyń Lıvııadaǵy opera­sııalarynyń aıaqtalǵanyn bildiredi. NATO-nyń Soltústik­atlantıkalyq keńesi 28 qazan kúni otyrys ótkizip, onda Lıvııadaǵy áskerı-áýe naýqanynyń aıaqtalǵandyǵy resmı túrde málim etiletin bolady. Osy oraıda Reseı Syrtqy ister mınıstrliginiń BUU Qaýipsizdik Keńesin óz mandatyn asyryp jibergeni úshin synǵa alǵanyn aıta ketý kerek. TASQYN TYNYShTYQ BERMEI TUR Taıland astanasy Bangkok senbi kúni keshke bolatyn sý tasqynynyń sharyq­taý shegine daıyndalýda. Onsyz da aıtarlyqtaı qańyrap qal­ǵan qaladan turǵyndardy basqa jerlerge kóshirý odan ári jalǵasýda. Turǵyndar sý­dyń kóbeıe berýin toqtatý úshin Chao Praııa ózeniniń jaǵalaýyn qapshyqpen jáne qummen bekitýde. Ulttyq meteoqyzmettiń habarlaýynsha, ózen deńgeıleri áli de kóterile túspek. Qala syrtynda 200 myń adamdy qabyldaıtyn iri evakýasııalyq ortalyqtar boı kóterýde. JAŃA MURAGER HANZADA ANYQTALDY Saýd Arabııasynyń jańa murager hanzadasynyń esimi belgili boldy. Ol – Naıf ıbn Abdel Azız as-Saýd. Mundaı sheshim taıaýda uzaqqa sozylǵan aýyr naýqastan hanzada Sultan bın Abdýlla Azızdiń AQSh-ta qaıtys bolýyna baılanysty qabyldandy. Jańa kronprınstiń jasy 78-de. 1975 jyldan beri ol ishki ister mınıstri qyzmetin atqarady. Budan bylaı oǵan premer-mınıstrdiń orynbasary mindeti de júkteletin bolady. ISLAMISTER BILIKKE KELDI О́tken  jeksenbide Týnıstiń ulttyq quryltaı assam­bleıasynyń saılaýynda «An-Nahda» ıslamıstik partııasy je­ńiske jetti. Batys úmit artqan progressıvti-demo­kratııalyq partııa tórtinshi orynda qalyp, saılaý naýqanynda jeńilis tapty. Daýys­tardy sanaý nátıjeleri boıynsha ıslamıster 41,47 paıyz daýys alǵan. Sóıtip, olar quryltaıshy assambleıa­daǵy 217 orynnyń 90-yna ıe boldy. Ekinshi jáne úshinshi oryndardy tıisinshe 13,82 jáne 9,68 paıyz daýys jınaǵan eki solshyl partııalar – «Respýblıkalyq kongress» jáne «Eńbek pen erkindik úshin demokratııalyq blogy» ıelendi. EGIPET PEN IZRAIL TUTQYNDAR ALMASTY Izraıldiń «Mossad» barlaý uıymynyń ofıseri delingen Ilan Grapeldi Egıpet ókimeti Izraıldegi 25 egıpettik tutqynǵa aıyrbas retinde bosatty. 27 jasar Grapeldi Egıpet ókimeti shpıondyq jasady degen kúdikpen maýsym aıynda qamaýǵa alǵan bolatyn. VVS agenttiginiń habarlaýynsha, Grapel beısenbi kúni Kaırden otanyna ushyp shyǵyp, onyń ornyna 25 tutqyn Egıpet ókimetine qaıtarylǵan. Izraıldiń jáne AQSh-tyń azamaty bolyp tabylatyn Grapel Izraıl premer-mınıstrimen kezdesken soń AQSh-qa ushady dep kútilýde. KLINTON OBAMAǴA QOLDAÝ BILDIRDI AQSh-tyń memlekettik hatshysy Hılları Klınton ókilder palatasynyń syrtqy ister jónindegi komıtetinde sóz sóıledi. О́z sózinde ol Obama ákimshiliginiń Pákstan men Aýǵanstanǵa qatysty saıasa­tyna qoldaý bildirdi. Aýǵanstan men Pákstanda ulttyq qaýipsizdikti qamtamasyz etýdegi strategııalyq mindetti sheshýde AQSh qanshalyqty alǵa ilgeriledi degen saýalǵa Klınton atalǵan eldermen aradaǵy qarym-qatynas dál oılaǵandaı dárejede emes, sonymen birge belgili bir tabystar da bar dep jaýap qaıtarǵan. FORÝMǴA QATYSÝShYLARDY QUTTYQTADY Túrki memleketteri arasyndaǵy dostyq qarym-qaty­nastardy odan ári keńeıtýde buqaralyq aqparat quralda­ryna mańyzdy mindetter júkteledi. Juma kúni Bakýde ashylǵan túrki tildes memleketter men uıymdardyń II Medıa-forýmyna joldaǵan úndeýinde Túrkııa Premer-mınıstri Redjep Taıyp Erdoǵan osylaı dep atap kórsetken. Quttyqtaýdy forýmǵa jınalǵandar aldynda Túrkııa mınıstrler kabıneti baspasóz qyzmetiniń basshysy Murat Karakaıa oqyp berdi. Erdoǵan forýmnyń qyzmettestikti arttyrýda óte mańyzdy nátıjeler beretinine senim bildirgen. ESTONIIа TÚRKIIаǴA 100 MYŃ EÝRO BО́LDI Estonııa syrtqy ister mınıstrligi alapat zilzaladan zapa shekkenderge jáne onyń zardaptaryn joıýǵa kómek retinde Túrkııaǵa 100 myń eýro bóldi. Estonııa syrtqy ister mınıstri Ýrmas Paettiń aıtýynsha, bólingen kómektiń eleýli bóligi  baspanalarynan aıyrylǵan adam­dardy turǵyn jaıymen qamtamasyz etýge arnalǵan. Aıta ketý kerek, qazirgi kúni baspanasyz qalǵandar sany shamamen 600 myń adamdy qurap otyr. Ahýaldy  jalǵasyp jatqan jer asty dúmpýleri men kúnniń salqyndap ketýi, sol sııaqty epı­demııanyń taralý qaýpi odan beter kúrdelendire túsýde. SAIаSATKERLER QALAI JUDYRYQTASADY? Brıtandyq The Guardian gazeti saıasatkerlerdiń qatysýymen bolǵan eń qyzý tóbelesterdi jarııalady. 2005 jyly «Rodına» fraksııasy músheleri men RLDP depýtattary arasyndaǵy qaqtyǵys arqasynda reseılik depýtattar atalǵan tizimde ekinshi oryn aldy. Reseılik saıasatkerlerdi judyryqtasý reıtınginde tek ıtalııalyq áriptesteri ǵana artta qaldyrǵan. Pragadaǵy narazy stomatologtar arasyndaǵy janjal úshinshi orynda kórinedi. Internet materıaldary negizinde ázirlendi.