Aýdan prokýratýrasy dene shynyqtyrý jáne sport bólimimen birlesip, «Resosıalızasııa: Sen qoǵamǵa kereksiń» jobasyn júzege asyrý sheńberinde OV 156/6 túzeý mekemesinde spartakıada ótkizdi.
Sottalǵandar shaǵyn fýtbol, ústel tennısi jáne voleıboldan jarystarǵa qatysty. Shemonaıha aýdanynyń prokýrory Aleksandr Akýlov spartakıadany ashqan sózinde osyndaı sharalar sottalǵandardyń qaıta tárbıeleýine áser etetinin, áleýmettik qajetti qasıetterin qalyptastyratynyn, adamnyń óz mártebesin, qaısarlyǵyn, namysyn, jeńiske degen qushtarlyǵy men qarsylasyna syılystyqty arttyratynyn atap ótti. Bul týraly Shemonaıha aýdanynyń prokýratýrasy habarlady.
Shaǵyn fýtbol jarysyna 9 adamnan quralǵan 10 komanda qatysty. Bir qurama komanda túzeý mekemesiniń qyzmetkerlerinen quryldy. Voleıboldan 4, al ústel tennısi boıynsha 10 komanda qatysty. Jarys qorytyndylary boıynsha Shemonaıha aýdanynyń prokýrory barlyq jeńimpazdardy kýboktarmen, dıplomdar men júldelermen marapattady. Komandalyq sport túrlerindegi nomınasııalar boıynsha sottalǵandar marapat retinde týystarymen skaıp arqyly júzdesip, jeke kartochalaryna madaqtaýlar engizildi.
Azamat QASYM,
«Egemen Qazaqstan»
Shyǵys Qazaqstan oblysy, Shemonaıha aýdany
