Bolashaq jańa qalashyq «Shymkent sıtıdiń» aýmaǵynda ótken is-sharaǵa 2500-den astam oqýshy qatysty. Olar asfalt jáne molbertke sýret salý konkýrsynda synǵa tústi. Baldyrǵandardyń qatysýymen fleshmob ótti.
Anyqtama úshin aıta keteıik, «Shymkent sıtı» jobasy 2015 jyly Shymkent qalalyq máslıhatynyń sessııasynda tanystyrylǵan bolatyn. Mundaǵy joba boıynsha 427 gektar aýmaqta 70 myń turǵynǵa shaqtalǵan qalashyq salynady. Qazir bul shaǵyn aýdanda 7 jol men 20 úıdiń qurylysy aıaqtalyp qaldy. Aldaǵy ýaqytta munda kóp qabatty 316 úı salynyp, jalpy aýdan 12 oramǵa bólinedi dep josparlanyp otyr. Sonymen qatar orta mektepter, balabaqshalar men úlken saıabaq ta salynady.
Baldyrǵandar jańa álipbı tańbalaryn qoldaný arqyly memlekettik saıasatqa osylaısha óz úlesterin qosyp jatyr. Latyn álipbıi arqyly óz Otanyna degen súıispenshilik sezimderin bildirdi.
Baqtııar TAIJAN,
«Egemen Qazaqstan»
Ońtústik Qazaqstan oblysy
