Tıimdi tásildiń biri – ádistemelik bazany damytý

«Bul – biz úshin kezekti is-sharanyń biri emes, úlken tarıhı mindet. Sondyqtan da qazaq tilin latyn grafıkasyna aýystyrý isiniń arqalaıtyn júgi salmaqty, jaýapkershiligi mol. Ras, jańa alfavıtti bir demde, bir sátte engize salýdyń eshqandaı qıyndyǵy joq. Alaıda gáp basqada. Munyń ózi onyń tıimdi joldary men tutqalaryn tabý bolyp tabylady. Biz búgin sol úshin de jınalyp otyrmyz», dedi jıynǵa tóraǵalyq etken Aqtóbe oblysynyń ákimi Berdibek Saparbaev. 

Budan keıingi kezekte qazaq tili álip­bıin latyn grafıkasyna aýystyrý qa­jettiligin atap kórsetken Memleket bas­shysy Nursultan Nazarbaevtyń «Bo­lashaqqa baǵdar: rýhanı jańǵyrý» atty baǵdarlamalyq maqalasy jarııa­lan­ǵannan keıin óńirde qurylǵan aq­parattyq-túsindirý toptarynyń qyzmeti áli kúnge deıin jalǵasyp kele jatqany aı­tyldy. Tek endigi kezekte onyń sony sı­paty men ýaqyt ereksheligine saı jańa tujyrymdarǵa basymdyq berilmek. 

Aqtóbe oblystyq tilderdi damytý bas­qarmasynyń basshysy Gúlaıym Tólebaevanyń aıtýynsha, aımaqta latyn grafıkasyna kóshýge baılanysty ha­lyqtyń oı-pikirin aıqyndaý jóninde tı­isti is-sharalar kesheni belgilenip, jú­zege asqan. Áleýmettik saýalnama qo­ry­tyndylary oblys turǵyndarynyń túgelge derlik bóligi atalǵan reformany qoldaǵanyn kórsetken. Al qazirgi kez­de munda jańa qazaq álipbıiniń naq­ty qandaı nusqada kórinis tabatyny jóninde keń aýqymdy pikirtalastar óris­tep keledi. 

Basqosý kezinde jańa alfavıtti engizý jumystary kezeń-kezeń boıynsha qolǵa alynýyna baılanysty birinshi kezekte muǵalimderdiń biliktiligin art­ty­rýǵa kóńil bólinýi qajettigi atalyp ótti. Sonymen birge latyn grafıkasyn engizýdiń taǵy bir tıimdi tetiginiń biri  ádistemelik bazany damytý bolmaq. Q.Jubanov atyndaǵy Aqtóbe óńirlik mem­lekettik ýnıversıteti, fılologııa fakýltetiniń dekany, fılologııa ǵylymdarynyń doktory Gúlzat Sa­dı­rova óz oıyn osy turǵydan órbitti. Jı­yn barysynda ortaǵa tastalǵan taǵy bir mańyzdy máseleniń biri – memlekettik til tó­ńiregindegi reforma­lardy BAQ arqyly kór­setý men jarııalaýǵa qatysty týyndady. Bul oraıda «Shamshyraq-Aqtóbe» JShS basshysy Raýken Otynshın jáne «Qazaqstan RTRK» AQ fılıalynyń dırektory Ernur Býrahan osy baǵytta qolǵa alynǵan jumystar týraly baıandap berdi. Atap aıtqanda, R.Otynshın Pre­zıdenttiń baǵdarlamalyq maqa­la­s­y jarııalanǵannan keıingi alǵashqy kúnderden bastap-aq túsindirý jumys­ta­ry seriktestikke qarasty barlyq aq­pa­rattyq resýrsta keńinen júrgizile bas­taǵanyn baıandap, bul shara qazirgi kú­ni de jalǵasyp kele jatqanyn aıtyp berse, E.Býrahan jańa telemaý­symda «Bolashaqqa baǵdar: rýhanı jań­ǵyrý» ıdeıasyn negizge alǵan segiz tele­baǵdarlama jaryqqa shyqqanyn jet­kizdi. Jalpy alǵanda Memleket bas­shysynyń baǵdarlamalyq maqalasy «Aqtóbe» telearnasynyń barlyq jańa jobalarynda kórinis taba bastady dedi ol. 

Kezdesý qorytyndysynda qazaq tiliniń latyn jazýyna aýysýy halyq­ara­lyq standarttar talaptaryna saı júr­gizilip otyrǵany jóninde túıin jasaldy. О́z kezeginde joǵaryda aıtylǵan tı­isti talaptarǵa saı aqparattyq-tú­sindirý jumystary da odan ári jalǵasa ber­mek. 

Temir Qusaıyn,
«Egemen Qazaqstan»

AQTО́BE

Sýrette: basqosýdan kórinis