Aqparat jáne kommýnıkasııalar mınıstrligi memlekettik qyzmet kórsetý prosesterin odan ári damytý boıynsha keshendi sharalardy júzege asyrýda. Mınıstrlik eń aldymen «elektrondyq úkimettiń» jáne «Azamattarǵa arnalǵan Úkimet» memlekettik korporasııasynyń qyzmetin úılestirý men damytý sharalaryn qolǵa aldy.
Úkimet saǵatynda sóz alǵan QR Aqparat jáne kommýnıkasııalar mınıstri Dáýren Abaev jaqynda Astanada memlekettik qyzmetterdi tolyqtaı avtomattandyrylǵan rejımde oryndaıtyn digital-HQKO ortalyǵy ashylatynyn aıtty. Mınıstrdiń aıtýynsha jańa sıfrlyq halyqqa qyzmet kórsetý ortalyǵyna azamattar qoǵamdyq pýnkter, ózine qyzmet kórsetý sektorlary jáne arnaıy stendterdegi planshetter arqyly elektrondyq ótinimderdi bere alady.
«Qazirgi kezde 746 memlekettik qyzmettiń 621-i nemese 83 paıyzdan astamyn azamattar memlekettik korporasııa arqyly alýǵa qaýqarly. Elimiz boıynsha onyń 349 front-keńsesi bar. Olarda jumys isteıtin 22 myńǵa jýyq qyzmetker jyl saıyn 34 mıllıonnan astam qyzmet kórsetýde», - dedi Dáýren Abaev.
