Keńes otyrysynda qaralǵan máseleler men qabyldanǵan sheshimder Elbasynyń «Bolashaqqa baǵdar: rýhanı jańǵyrý» atty baǵdarlamalyq maqalasynda kórsetilgen basymdyqtarǵa negizdeldi.
«Kóz ilespes shapshańdyqpen damý ústindegi jahandaný dáýirinde ulttyq jadymyz ben el tutastyǵyn, rýhanı qazynalarymyzdy saqtap qalý - asa mańyzdy. Sondyqtan, zııaly qaýym ókilderine, onyń ishinde bizdiń Keńesimizge de úlken júk artylyp otyrǵany sózsiz. Táýelsizdigimizdiń aldyńǵy shırek ǵasyryn, tarıhymyzdyń alǵashqy bólimi dep alsaq, endi el tarıhynyń negizgi bólimi bastaldy deýge bolady. Ult Kóshbasshysy memleketimizdiń qaryshtap jan-jaqty damýy úshin qoǵamdy modernızasııalaýdy jiktep berdi. Osy rette Qyzylorda oblysy elimizdegi rýhanı máselelerde nıýsmeıker bolýy tıis degen oıymdy aıtqym keledi. О́ıtkeni, qaımaǵy buzylmaǵan Syr eli - Alashtyń anasy! Sonymen qatar, aımaqtyń qasıetti oryndarynyń kartasy men jınaǵyn shyǵarýdy josparlap otyrmyz», - dep atap ótti aımaq basshysy Qyrymbek Kósherbaev.
Bıyl Syǵanaq, Jankent, Shirik-rabatpen birge ortaǵasyrlyq Sortóbe, Jent qalashyqtaryna jáne Araldyń kepken tabanyndaǵy Kerderi kesenesine de arheologııalyq zertteý júrgizildi. Sonymen birge, keler jyly áli syry ashylmaǵan ortaǵasyrlyq «Qyshqalaǵa» arheologııalyq qazba jumystaryn júrgizý josparlanýda.
Sondaı-aq, Syǵanaq qalashyǵyn ınfraqurylymy jetilgen tolyqqandy týrıstik ortalyqqa aınaldyrý úshin keshendi restavrasııalyq, rekonstrýksııalyq jáne arheologııalyq zertteý jumystaryn júrgizý úshin Mádenıet jáne sport mınıstrligi tarapynan 2018-2020 jyldary kezeń-kezeńimen barlyǵy 138,2 mln. teńge qarjy qarastyrylǵan. Keńes músheleri Syrdarııa ózeniniń boıynda ornalasqan H-HIH ǵ. tıesili qazaq tarıhynda mańyzdy oryn alatyn aıryqsha sáýlettik 20-dan astam eskertkish-munaranyń tarıhy men qyzmeti jaıynda keler urpaqtyń sanasyna sińirý maqsatynda tolyqqandy zertteýler júrgizýdi kózdep otyr.
Rýhanııat jáne mádenıet salasyna qatysty qaralǵan ózekti máseleler Elbasy maqalasyn júzege asyrýda asa mańyzdy ekeni belgili. Sondyqtan aımaq basshysy kóterilgen problemalyq suraqtar men berilgen usynystardy júzege asyrý úshin jaýapty tulǵalarǵa birqatar tapsyrmalar júktedi.
