Bank negizgi kórsetkishterge jekelegen qyzmet kórsetý salasy boıynsha qol jetkizip otyr. Atap aıtqanda, tranzaksııalyq qyzmettiń tólem kartochkalaryna, kassalyq operasııalarǵa jáne banktiń aýdarymdarǵa shaqqandaǵy úlesi 39,2 paıyzǵa kóbeıgen. Al, taza marjalyq tabys «Kazkomersbank» pen «Altyn Bank» AQ aktıvterin satyp alýdan keıin qaıta jiktelip, toǵyz aıǵa shaqqanda 4,8 paıyzǵa tómendegen.
– 3-toqsannyń qorytyndysy boıynsha biz bıznestiń ótimdiligine qol jetkizip otyrmyz. Toǵyz aı ishinde qarjy uıymy úlken qadam jasady. «Halyq bankiniń» «Kazkomersbankti» satyp alyp, naryqtaǵy kúmándi seıiltkenin bilesizder. Qazir biz óz seriktesimizge aınalǵan Qazkom brendtiniń jańa tynysyn ashtyq dep senimmen aıta alamyz. Qarjy naryǵyndaǵy taza paıdamyz 135 mlrd teńgeden asty. Bul buryn-sońdy bolmaǵan kórsetkish, - dedi basqarma tóraıymy Úmit Shaıahmetova.
Qalmahanbet MUQAMETQALI,
«Egemen Qazaqstan».
Almaty.
