Zań jobasy Qazaqstan Respýblıkasy Qarýly Kúshteriniń, áskerı prokýratýra, ulttyq qaýipsizdik jáne ishki ister organdarynyń áskerı qyzmetshilerin turǵyn úımen qamtamasyz etý tetikterin nysanaly turǵyn úı tólemderi arqyly jetildirý maqsatynda ázirlendi.
Qujatta arnaýly memlekettik organdardyń qyzmetkerleri (arnaýly (áskerı) oqý oryndarynyń kýrsanttary men tyńdaýshylaryn qospaǵanda) men áskerı qyzmetshilerdi (merzimdi qyzmettegi áskerı qyzmetshilerdi, áskerı oqý oryndarynyń kýrsanttary men kadetterin, áskerı jıyndarǵa shaqyrylǵan áskerı mindettegilerdi qospaǵanda) turǵyn úıge muqtaj dep tanýǵa qoıylatyn talaptar naqtylanǵan.
Jaba erejelerinde turǵyn úı tólemderin paıdalaný maqsattary kórsetilgen. Atap aıtqanda, olardy turǵynjaıdy menshikke alý; turǵynjaıdy jalǵa alý aqysyn tóleý, onyń ishinde keıinnen satyp alatyn turǵynjaıdy jalǵa alý aqysyn tóleý; buryn alynǵan ıpotekalyq kredıtti (qaryzdy) óteý; turǵyn úı qurylysyna úlestik qatysý kezinde, sondaı-aq turǵyn úı jáne turǵyn úı-qurylysy kooperatıvine qatysý kezinde jarnalardy tóleý; turǵyn úı qurylysy jınaq aqshasy túrindegi jınaqtardy tolyqtyrý jáne turǵyn úı jaǵdaılaryn jaqsartý úshin paıdalanýǵa bolady. Bul rette áskerı qyzmetshilerdiń turǵyn úı tólemderin paıdalaný arqyly turǵynjaıdy menshikke alý quqyǵy bir ret júzege asyrylady.
Zań jobasynda turǵyn úı tólemderin toqtata turý, qaıta bastaý jáne toqtatý negizderi, turǵyn úı tólemderin alýshynyń quqyqtary men mindetteri, qyzmettik turǵynjaı jekeshelendirýge jatpaıtyn jaǵdaılarda aqshalaı ótemaqy alý quqyǵy bekitiledi.
Qyzmet ótkerý kezinde qaza tapqan (qaıtys bolǵan) arnaýly memlekettik organ qyzmetkeriniń nemese áskerı qyzmetshiniń otbasy músheleriniń turǵyn úı tólemderin paıdalanýǵa nemese olardy birjolǵy aqshalaı ótemaqy túrinde alýǵa quqyqtary aıqyndalady. Shetelge qyzmet ótkerý úshin jiberilgen arnaýly memlekettik organdar qyzmetkerleriniń turyp jatqan turǵynjaılarynyń jáne (nemese) taǵaıyndalǵan turǵyn úı tólemderiniń saqtalýyna kepildikter qoldanylady.
Sondaı-aq əskerı qyzmette bolýdyń shekti jasyna tolýyna, densaýlyq jaǵdaıyna ne shtattardyń qysqartylýyna baılanysty əskerı qyzmetten shyǵarylǵan kezde əskerı qyzmetshilerge jumystan shyǵý jərdemaqysyn tóleýdiń negizderi men mólsherleri naqtylanady.
Zań jobasy Palatanyń qaraýyna jiberildi.
