Iаǵnı, byltyrǵy jylmen salystyrǵanda 20,9 paıyzǵa artyp otyr. Al oblys ortalyǵy Shymkent qalasynda bıyl jalpy aýmaǵy 302 myń sharshy metrlik 5 myńnan astam páter el ıgiligine beriledi.
OQO óńirlik kommýnıkasııalar qyzmeti uıymdastyrǵan kóshpeli brıfıngte Shymkent qalalyq qurylys bóliminiń basshysy Ábilseıit Rabaev «Nurly jer» turǵyn úı baǵdarlamasy aıasynda oblysta qurylysy josparlanǵan 231 nysannyń jyl sońyna deıin 115-in paıdalanýǵa tapsyrý mejelengenin málim etti. Al aǵymdaǵy jyldyń basynan 1-qarashaǵa deıin 61 nysan paıdalanýǵa tapsyrylǵan. Qalǵan 54 nysan jyl sońyna deıin paıdalanýǵa berilmek. Sondaı-aq, Shymkent qalasynda bıyl 201 turǵyn úıdiń qurylysy júrgizilýde. «Shymkentte jalpy quny 22,5 mlrd. teńgege 46 turǵyn úıdiń qurylysy júrgizilýde. Onyń ishinde ákimshilik-iskerlik ortalyǵynda - 32, arendalyq -16, dál sondaı nesıelik 16 turǵyn úı salynýda. Budan bólek «Shymkent sıtı» shaǵyn aýdanynda jalpy 14 turǵyn úıdiń qurylysy júrgizilip keledi», - dedi Ábilseıit Rabaev.
Al «Turǵyn úı qurylys jınaq banki» AQ oblystyq fılıaly dırektorynyń orynbasary Aqylbek Qospanovtyń aıtýynsha, atalǵan bank júıesi boıynsha bıyl óńirde 982 páter paıdalanýǵa beriledi. Kelesi jyly «Nurly Jer» baǵdarlamasy aıasynda oblys ortalyǵy Shymkent qalasynda 2500-ge jýyq páter salý josparlanǵan.
Ǵalymjan ELShIBAI,
«Egemen Qazaqstan»
