Syrt alańda taǵy da tas-talqan utyldyq. Taǵy deýimizdiń sebebi, eki kún buryn osy "Sıbır" bizdiń hokkeıshilerdi "silkip" alǵan.
Kezdesýdiń birinshi kezeńinde birinshi bolyp esepti aıdyn ıeleri ashty. Artynsha 5 mınýt ótpeı novosibirlik Andreı Ermakov esepti eseledi. Qonaqtardyń abdyrap qalǵan baıqaǵan aıdyn ıeleri shabýyldy údete tústi. Abyroı bolǵanda Talǵat Jaılaýov bastaǵan hokkeıshilerimiz tez es jıyp, esep aıyrmasyn qysqartty. Tipti, kezdesýdiń birinshi kezeńi bitpeı turyp, esepti teńestirip úlgergen. Úziliske sanaýly mınýttar qalǵanda Stepan Sannıkov qaqapashymyzdy san soqtyryp ketti.
Ekinshi kezeńde bizdiń hokkeıshiler təp-təýir oınady. Oılaǵandary ońaı júzege asyp jatty. "Barystyqtar" basymdylyqqa ıe bolyp, eki shaıba soqty. Nətıjeli oıynymen Talǵat Jaılaýov jáne Naıdjel Doýs kózge tústi. Tartysty kezdesýdiń úshinshi kezeńine Novosibir jigitteri julqynyp shyǵyp, jeńisti julyp aldy. Bıyl bul komandaǵa "Barystyń" shamasy keler emes. Qorytyndy esep 6-4.
Oıynnan keıin óz oıymen bólisken Evgenıı Koreshkov sońǵy bólimge kúshimiz jetpegenin qadap aıtypty.
"Keremet kezdesý. 10 shaıbanyń soǵylýy sózime dálel. О́kinishtisi jeńisti qoldan berdik. Sharshap qaldyq. Úshinshi bólimde uqyptyraq oınaý kerek. Degenmen, shəkirtterimniń talpynysyna talasym joq. Eshqaısysy aıanyp qalmady. Qatelikterimizdi qaperge alyp, aldaǵy oıynǵa daıyndalamyz" - dep qorytyndylapty bas bapkerimiz.
Kelesi oıyndy 25 qarasha kúni "Barys" syrt aıdynda kósh basyndaǵy "Ak bars" komandasyna qarsy ótkizedi.
Erkebulan Jomart
"Egemen Qazaqstan"
