QAZAQTY ÁLEMGE TANYTÝ ALPAÝYT ELDERDEGI ATAQTY JEŃISTER ARQYLY QALYPTASADY

Juma kúni Las-Vegastaǵy ká­sipqoı boks keshinde qazaqstandyq bylǵary qolǵap sheberi Beıbit Shúmenov WBA nusqasy boıynsha álem chempıony ataǵyn jeńip aldy. Ispandyq Gabrıel Kampılo buǵan ótken jyly tamyzda Qazaq elinde ıe bolǵan. Las-Vegas rıngindegi 12 raýndqa sozylǵan jekpe-jektiń qory­tyn­dy­sy boıynsha tóreshilerdiń esebi ekige jarylypty. Mysaly, olar­dyń ekeýi B.Shúmenov utty dese (117-111 jáne 115-113), bireýi G. Kampılo jeńiske jetti (117-111) dep tórelik aıtqan. Osyny betke ustaǵan ıspandyq boksshynyń promoýteri Sempson Lev­kovıch ádil qazy­larǵa aıyp saldyryp, olardy bu­dan bylaı tórelik etý quqynan aıyrý úshin WBA ulyqtaryna qarsylyq jaz­baqshy. Eger de onyń aryzy durys dep qabyldansa, eki myqtynyń arasyndaǵy qarymta kezdesý taǵy da ótetini belgili. Degenmen, Beıbit Shúmenov óz elin­degi endi damyp kele jatqan ká­sipqoı boks mektebiniń de osal emes ekenin AQSh-tyń eń ataqty rınginde tanytty deýge ábden bolady. Kósemáli SÁTTIBAIULY. Jaǵymdy jańalyq PÁTER KILTTERI TAPSYRYLDY Otbasyn qurap, shańyraq kóterilgen­nen keıingi adamǵa qajettisi baspana. Búgingi qarjy daǵdarysy kezinde ekiniń biri úı salyp, áleýmettik-turmystyq qajetin óteýge, jaǵdaıyn jaqsartýǵa múmkindigi bola bermeıtini anyq. Son­dyq­tan da Prezıdent Nursultan Nazar­baevtyń halyqqa joldaýlarynda turǵyn úı baǵdarlamasyna baılanysty júrgi­zil­gen jumys barysynda áleýmettik jaǵy­nan jetkiliksiz qamtylǵandar men mem­le­kettik jáne bıýdjettik sala qyzmet­ker­lerin baspanamen qamtý máseleleri oń sheshimin taýyp keledi. О́tken jyly Taldyqorǵan qalasynda jalpy kólemi 4,5 myń sharshy metrdi quraıtyn eki turǵyn úı salynyp, qosymsha 80 páterli jataq­hana kúrdeli jóndeýden ótkizilip, baspa­naǵa muqtaj jandarǵa berilgen bolatyn. Jańa jylda elimizdegi turǵyn úı qa­ty­nastary zańyna sáıkes joǵarydaǵy ta­laptarǵa saı kezekte turǵan muqtaj jan­darǵa 20 páterli úıdiń kiltteri tapsy­ryl­dy. Arendalyq úıdiń bir bólmeli páterine kommýnaldyq shyǵyndaryn qospaǵanda, aıyna orta eseppen 4000 teńge, eki bólmege 8000 teńge, úsh bólmege 12000 teńge arendalyq tólem tólenedi eken. Páter kiltterin saltanatty túrde jańa qonys ıelerine tapsyrǵan oblys ákimi Serik Úmbetov qańtar aıynyń sońynda taǵy da 45 páterli kommýnaldyq úı paıdalanýǵa beriletinin jetkizip, jańa jylda shańyraqtaryńyzda shattyq bolyp, búgingi qýanysh molaıa bersin, degen tilekpen eldi bir serpiltip tastady. Sapaly salynǵan páterlerge kirgen­der ózderiniń qýanyshtaryn jasyrmaı Elbasyna degen ystyq yqylastaryn bildirip, shashý shashyp, birin-biri quttyqtap jatty. Kúmisjan BAIJAN, Almaty oblysy. Bir aýyz sóz OIDY OI QOZǴAIDY Jetpis jyldan bergi aqyl­shym “Egemende” jarııalanǵan pavlodarlyq professor, fılo­logııa ǵylymdarynyń doktory Qýandyq Máshhúr-Júsiptiń: “Jańa jylda oqyrmannyń súıikti gazetinen tyń oılar kútýi zańdy qubylys”, degenin quptaı otyryp, “cosıalızmnen bez­genniń jóni osylaı eken dep, sosıalızm kezinde jetken rýhanı tabystarymyzdan, ıgi dástúrlerimizden bas tarta berýimiz qalaı bolar eken?” deýin salıqaly oı dep uqtym. Asyly, adamdy adamı kór­kem­dikke baýlýdaǵy kúshti rýha­nı tásildiń biri syn ǵoı. Tipti, jas sábı táı-táı basqannan: “Qulaısyń, olaı etpe, bylaı et! Mynaý jaman, mynaý jaqsy”, dep meıirbandyq tanytý – syn­nyń álippesi emes pe edi. Sábı­diń jan-jaǵyn barlap, oı júgir­týi osylaı shıramas pa! Sondyq­tan da babalarymyz: “Syn tú­zel­­meı, min túzelmeıdi”, dep túı­gen. Bul – naǵyz adam bolý­dyń alǵashqy qadamy ózińdi óziń synaýdan bastalady degen sóz. Sosıalızm dáýirindegi rýha­nı jetistikterimizdiń biri talaı danalar aıtyp ketken: “Syn men ózara syn – qoǵamnyń qoz­ǵaýshy kúshi”, degen qaǵıda edi. Menińshe, syn men ózara syn – qoǵamdy saýyqtyrýshy, ony san alýan dertten tazartýshy kúsh. Adam da jýynyp-shaıynyp, tazaryp turmasa, tánin kir basady, dertke shaldyǵady. Sondaı-aq, ózine syn kózben qaraı almaǵan qoǵamnyń, sóıtip, tabıǵı jat qylyqtardan aryla almaǵan qoǵamnyń qurdymǵa ketkenine tarıh kýá. Bizdiń qoǵamdaǵy asa ja­baıy, jat qylyqtar: adam­dar­dyń jan-táni jalańashtanyp, jadaǵaıla­nyp barady. Osyndaı shaqta pen­deniń ar tazalyǵyn, asqaq rýhyn qalaı saqtap qala alamyz? Ardan týǵan, arman qý­ǵan aıaýly azamat­tardy satqyn­dyq, surqııalyq qurbandyǵynan qaıtsek qutqara­myz? Qoǵamǵa jat osyndaı dert­tiń dendeýi qoǵamdaǵy syn men ózara synnyń áleýmettik ómiri­mizden alastalýynan dep uǵamyn. Men, qart jýrnalıst qazirgi buqaralyq aqparat qural­da­ry­n­da paraqorlardy, jemqor­lar­dy, zymııan alaıaqtardy áshke­releıtin synnyń azdyǵyna tańdanamyn. Jemqorlyqqa qarsy kúresý­ge shaqyrǵan on urannan alaıaq­tardyń bet perdesin sypyra­tyn­daı jýrnalıstiń bir syny artyq dep bilemin. О́ıtkeni, ataqty Mark Tven: “Dúnıege jaryq berip, sáýle shashatyn eki-aq kúsh bar. Onyń biri – aspandaǵy Kún, ekinshisi – jerdegi Jýrnalıst” dep edi ǵoı. Ǵaıys EGEMBERDIEV, soǵys jáne eńbek ardageri. Taldyqorǵan.