Memleket basshysy Astanaǵa iskerlik saparmen kelgen nemis bıznesmenderine tabys tiledi.
– Astanaǵa qosh keldińizder. Sizderdiń delegasııalaryńyz myqty qurammen kelipti. Sizder Úkimette kezdesýler ótkizip, Qazaqstannyń bıznesmenderimen de jolyǵasyzdar. Bul kezdesýlerdiń jemisti bolatynyna senimdimin, – dedi Nursultan Nazarbaev.
Qazaqstan Prezıdenti bıylǵy qazan aıynda Sochı qalasynda Germanııa Federatıvtik Respýblıkasy isker toptar ókilderimen ótkizgen kezdesýiniń nátıjeli bolǵanyn atap ótti.
Sondaı-aq, Memleket basshysy Qazaqstanda jumys istep jatqan nemis kompanııalarynyń kóp ekenin aıtyp, eki eldiń isker toptary arasyndaǵy yntymaqtastyqty nyǵaıtýdyń mańyzdylyǵyna nazar aýdardy.
Germanııa ekonomıkasy Shyǵys komıtetiniń tóraǵasy Volfgang Bıýhele kezdesýge múmkindik týǵyzǵany úshin Nursultan Nazarbaevqa alǵys aıtyp, Sochı qalasyndaǵy kelissózder barysynda qol jetkizilgen ýaǵdalastyqtarǵa toqtaldy.
– Qazaqstan men Germanııa arasynda qarqyndy ekonomıkalyq qarym-qatynas ornady. Onyń damýy 2017 jyly oń nátıje kórsetip otyr. Bul rette, Germanııaǵa Qazaqstannan keletin ımporttyń kólemi artyp kele jatqanyn atap ótken jón, – dedi V.Bıýhele.
