Arab elderiniń basshylary AQSh Prezıdentinen aımaqtaǵy shıelenisti arttyrýy múmkin sheshimdi keıinge qaldyrýyn suraǵan edi. Al Aq úı ókilderiniń aıtýynsha, Ierýsalımde elshiliktiń ǵımaraty tańdalmaǵan, ıaǵnı, bul proseske birneshe jyl ketýi múmkin. Sondyqtan Tramp Memlekettik departamentke elshilikti Ierýsalımge kóshirý prosesin bastaýdy surady, biraq Kongreske elshilikti kóshirýdi 6 aıǵa shegerdi. 1995 jyly kongress elshilikti kóshirý týraly sheshim qabyldaǵannan keıin AQSh-tyń barlyq prezıdentteri bul qujatqa ár 6 aı saıyn qol qoıyp keledi.
Ierýsalımniń statýsy - Izraıl men arab kórshileriniń arasyndaǵy eń ótkir máselelerdiń biri. Izraıl Ierýsalımdi astanasy retinde atap júrgenimen, Palestına Shyǵys Ierýsalım bolashaq memleketteriniń astanasy bolady dep senedi. Bir aıta keterligi, AQSh Ierýsalımdi Izraıl astanasy retinde moıyndaǵan birinshi memleket.
Esterińizge sala ketsek, keshe saıtymyzda Tramptyń Izraıldegi AQSh elshiligin Ierýsalımge kóshiretini týraly kólemdi maqala jarııalanǵan bolatyn.
