Májilisti taratý týraly usynys jasaldy

Keshe Parlament Májilisinde baspasóz máslıhaty bolyp, onda depýtattar Nurtaı Sabılıanov pen Vıktor Rogalev bir top depýtattardyń Májilis jáne máslıhattar depýtattary­nyń saılaýyn merziminen buryn ótkizý týraly Qazaqstan Respýb­lı­kasy Prezıdenti N.Nazarbaevtyń atyna jasaǵan úndeýin jarııalady. Úndeýde saılaýdy merziminen buryn ótkizýdiń sebepteri aı­tyl­ǵan. Búgingi kúni qoǵamda parlamenttik saılaýdy aldyn-ala ót­­kizý qajettiligi jónindegi másele qyzý talqylanýda. Qoldanystaǵy zańnama Parlament Májilisi de­pýtattary Memleket basshysy­nyń atyna Májilisti merziminen buryn taratý týraly úndeý jol­daýyna múmkindik beredi. Qoǵam­dyq pikirdi eskerip ári aldyn-ala saılaý ótkizýdi negizdeıtin bir­q­a­tar dáıekterdi basshylyqqa ala otyryp, biz tómendegi sebepterge baılanysty Májilis pen más­lı­hat depýtattaryn merziminen bu­­ryn ótkizýdi qalaımyz, delingen úndeýde. Odan ári úndeýdi oqyǵan depýtat N.Sabılıanov keltirilgen sebepterdi ejelep kórsetti. Birinshiden, dedi ol, al­dy­myz­daǵy jyly álemdik qar­jy-ekonomıkalyq daǵdarystyń jańa tolqyny bolady dep kúti­lýde. Onyń sıpaty men aýqymyn boljap bilý qıyn ári ol Qa­zaqstan ekonomıkasyna da teris áserin tıgizýi múmkin. Osyǵan baıla­­nys­ty Qazaqstanda saılaý sıklin álemdik ekonomıkalyq daǵdarys bastalǵanǵa deıin jedel ótkizý mańyzdy. Ol búkil memlekettik organdardyń, Úki­met pen Parla­menttiń saılaý ót­kizýge alańda­maı, daǵdarysqa qar­sy sharalar­dy iske asyrýǵa jappaı jumy­lýyna múmkindik beredi. Ekinshiden, qazirgi álemdi tu­raqsyzdyq jaılap barady. Eýro­panyń ózinde osy ýaqytqa deıin turaqtylyǵy berik bolyp kelgen tutas memleketter aıtar­lyqtaı ekonomıkalyq daǵdarys­ty bastan ótkerýde. Bizde ustan­ǵan ba­ǵyt­tyń durystyǵynyń ar­qa­syn­da ǵana ekonomıkanyń tu­raqty damý qar­­qyny saqtalýda jáne áleýmettik jańǵyrý júzege asýda. Saılaý sıkl­daryn jedel ótkizý osynaý úrdisti saqtaýǵa, júrgi­zi­lip jat­­­qan saıasattyń sa­baq­tas­tyǵyn jal­ǵas­­ty­rýǵa múm­kin­dik bere otyryp, damý ten­den­sııa­sy­nyń saqtalýyn odan ári qam­tamasyz etetin bolady. Úsh­in­shiden, Qazaqstan 2011 jyly el Táý­elsizdiginiń 20 jyl­­­­dyǵyn atap ótedi. Bul el da­mý­yndaǵy mańyzdy beles. Kelesi jyly Qazaqstan óz damýynyń naqty jańa kezeńine qadam ba­sady. Son­dyqtan ony jańa, ja­ńar­­tyl­ǵan Úkimetpen jáne Parlamentpen bastaýdyń sımvoldyq máni zor. Tórtinshiden, qoldanystaǵy zań­namaǵa sáıkes saılaý qo­ry­tyn­dy­syna qaramastan kelesi Májilis keminde eki saıası partııadan ja­saq­talady. Osyǵan baı­la­nysty kóppartııaly Parlamentti jasaq­taýǵa múmkindik beretin demo­kra­tııalyq tetikti kóp keshiktirmeı iske asyrǵan jón. Bul qadam Qa­zaq­stannyń kóppar­tııalyq jáne saıası plıýralızm ıdeıalaryna adal­dyǵyn bildiredi. Besinshiden, kelesi jy­ly Má­ji­lis pen máslıhattar de­pý­tat­ta­ry­nyń saılaýyn ótkizý merzimi bastalady. Ony úıles­ti­rip, bir mez­­gilde ótkizgen jón. Bul álem­­dik daǵdarys jaǵdaıyn­da saılaý sıklin uzaq merzimge sozbaýǵa jaǵ­daı týǵyzady. Oǵan qosa bul shara saılaýdy uıym­das­tyrýǵa já­ne ót­kizýge jumsa­latyn bıýdjet shyǵy­nyn aıtar­lyqtaı azaı­týǵa múmkindik beredi. ymdy ındýstrııalyq-ınnova­sııa­lyq damý baǵdarlamasy jú­zege asyrylýda. Parlament al­dynda osy baǵdarlamanyń iske asyrylýyn zańnamalyq turǵy­dan qamtamasyz etýdiń úlken mindetteri tur. Osyǵan baılanysty jańa depýtattyq korpýs ja­saqtaý bul mindetti oryndaý úshin mańyzdy. Úndeýdiń qorytyndysynda depýtattar Elbasyna osy aıt­qandardy eskere otyryp, Qazaq­stan Respýblıkasy Parlamentti Májilisiniń tórtinshi shaqyry­lymy men máslıhattardy taratý jáne Májilis pen máslıhattar depýtattarynyń kezekten tys saılaýyn belgileý týraly Qazaq­stan Respýblıkasy Prezıden­tiniń Jarlyǵyn shyǵarý jóninde usynys jasaıtyndaryn jarııa etti. Al qalǵan áriptesterin úndeýdi qoldaýǵa shaqyrdy. Memleket pen halyqtyń bıik murat­taryn eske alyp jasalǵandyqtan bul sheshim saılaýshylarymyz ben halyqaralyq qaýymdastyq tarapynan qoldaý tabar degen senimdemiz dep qorytty ózderiniń sózderin depýtattar. Úndeýge 53 depýtat qol qoıypty. Biraq qalǵandarynyń da qoldaıtynyna N.Sabılıanov pen V.Rogalev senimdi ekendikterin aıtty. Jýrnalısterdiń su­raq­taryna bergen jaýapta­rynda olar tek úsh-aq kúnniń ishinde osynsha qol jınaǵan­daryn jetkizdi. Sonymen birge qaralyp úlgermegen zań joba­lary tıisti zańǵa sáıkes Senat­tyń qaraýyna ótetindigi, bul usynys qoldaý tapqan jaǵdaıda saılaý ótkenshe Senat Májilistiń fýnk­­­­­sııalaryn oryn­daı­tyndyǵy belgili boldy. Jaqsybaı SAMRAT.