«Sporttyq Grepplıng tarıhynda alǵash ret qurlyqtyq Azııa Chempıonaty Qazaqstanda ótti. 2-3 qyrkúıek kúnderi Astana qalasynda ótken aıtýly dodaǵa Qyrǵyzstan, Arab ámirligi, О́zbekstan, Pákistan, Úndi memleketteri qatysty. Jarysqa bes Azııalyq elderden kelgen 100-den asa sportshy baǵyn synady. Nátıjesinde Qazaqstan quramasy jalpykomandalyq esepte 1-orynǵa ıe boldy», dedi Grepplıng Qaýymdastyǵynyń Prezıdenti Qanat Alın.
Sonymen qatar ol Táýelsizdigi kúnine oraı Astana qalasynda grepplıng jáne grepplıng gıden Qazaqstan Respýblıkasy Birinshiligi men Kýbogy ótkenin tilge tıek etti.
«Aıta keteıik, osy jarysqa rekordty qatysýshy sany tirkeldi. Elimizdiń túkpir-túkpirinen kelgen 1200 sportshy úzdik palýan ataǵy úshin baqtalasty. Jalpykomandalyq esepte birinshi oryn Astana quramasyna buıyrdy. Ekinshi orynǵa Qaraǵandy oblysy turaqtasa, úshinshi oryndy Pavlodar oblysy enshiledi. Qazaqstan Respýblıkasy Kýbogynda birinshi oryndy taǵy bir márte Astana quramasy aldy. Ekinshi oryn – Qaraǵandy oblysynda. Ońtústik Qazaqstan oblysy úshinshi orynmen oraldy», dedi ol
Grepplıng Qaýymdastyǵynyń Prezıdenti Qanat Alın kelesi jyly 27-28 qańtar kúnderi “Astana open” týrnıri uıymdastyrylytanyn jetkizdi.
«Al kópten kútken doda, qazaqstandyq parterde bolyp kórmegen Grepplıngiden Álem chempıonaty Astana qalasynda, qyrkúıek aıynda ótetin bolady», dedi ol.
Raýan QAIDAR,
«Egemen Qazaqstan»
