Atalǵan baǵyttaǵy júrgizilip jatqan jumys týraly aqparat jáne kommýnıkasııalar mınıstri Dáýren Abaev baıandady. Aqparat jáne kommýnıkasııalar mınıstrligi «Paper Free» formaty boıynsha ózara is-qımyl múmkindigin — qaǵaz túrindegi qujat aınalymyn joıý, «bir ótinim» qaǵıdasyna kóshýdi qarastyrady.
Bastapqy esepteýler boıynsha, atalǵan sharalardy iske asyrý taıaý ýaqytta 20 mln astam anyqtamany tolyǵymen joıýǵa múmkindik beredi.
«Qazirgi ýaqytta 746 memlekettik qyzmet kórsetýdiń «Azamattarǵa arnalǵan úkimetke» 621 qyzmet kórsetý berildi, bul 83% astamyn quraıdy. Atalǵan qyzmetterdi 349 front-ofıster kórsetedi, onda jyl saıyn shamamen 37 mln qyzmetti usyna otyryp, 20 myńnan astam qyzmetker jumys jasaıdy», — dedi aqparat jáne kommýnıkasııalar mınıstri.
Budan ózge, «Azamattarǵa arnalǵan úkimet» memlekettik korporasııasynyń senimdi basqarýyna keıbir aqparattyq júıelerdi berý máselesi pysyqtalýda, olardyń ishinde eGov elektrondy úkimeti portaly, mGov mobıldi qosymshasy, HQKO YAJ, «Jyljymaıtyn múlik tizilimi» MMB jáne «Memlekettik jer kadastry» AAJ bar.
Aqparat jáne kommýnıkasııalar mınıstrligi tarapynan halyqqa qyzmet kórsetý ortalyqtaryna arnalǵan Yqpaldastyrylǵan aqparattyq júıe — HQKO YAJ senimdi basqarýyna berildi.
Dáýren Abaev atalǵan jumys óz-ózine qyzmet kórsetý múmkindigin keńeıtýmen, tek elektrondy formatta josparlaýdy jáne odan ári memlekettik qyzmet kórsetýdi qarastyratyn «Digital by default» qaǵıdasyn iske asyrýdy kózdeıtinin túsindirdi.
Atalǵan másele boıynsha sondaı-aq ulttyq ekonomıka mınıstri Tımýr Súleımenov baıandady.
«Qazirgi ýaqytta Memlekettik qyzmet kórsetý tizilimine odan ári qosý úshin «jasyryn» qyzmet kórsetýlerdi (eskert. Memlekettik qyzmet kórsetý tizilimine qosylmaǵan, «memlekettik qyzmet kórsetý» anyqtamasyna sáıkes keletin jekelegen memlekettik organdardyń fýksııalary) anyqtaý boıynsha jumys júrgizildi», — dep habarlady Tımýr Súleımenov.
Ulttyq ekonomıka mınıstri aıtqan málimetterge sáıkes atalǵan jumys aıasynda Tizilimge 58 jańa memlekettik qyzmet kórsetý qosyldy. Qazirgi ýaqytta memlekettik organdardyń taǵy 200 fýnksııasyn taldaý aıaqtaldy, onyń qorytyndysy boıynsha Tizilimge 50 jańa memlekettik qyzmet kórsetý engiziledi.
Búgingi tańda Tizilimdegi memlekettik qyzmetterdiń jalpy sany 746 memlekettik qyzmet kórsetýdi quraıdy, olardyń 452 memlekettik qyzmet kórsetýin elektrondy formatta alýǵa bolady, 621 memlekettik qyzmet «Azamattarǵa arnalǵan úkimet» Memlekettik korporasııasy arqyly, jergilikti atqarýshy organdar arqyly — 191 memlekettik qyzmet kórsetiledi. Sondaı-aq, ruqsat berý júıesin jeńildetý maqsatynda onlaın rejımde barlyq ruqsattar alý men habarlamalardy joldaý tolyq avtomattandyrylǵan.
Budan ózge, atalǵan másele boıynsha otyrys barysynda «Azamattarǵa arnalǵan úkimet» Memlekettik korporasııasy basqarma tóraǵasy Abylaıhan Ospanov baıandady.
Máseleni qaraýdy qorytyndylaı kele, Premer-Mınıstr Baqytjan Saǵyntaev birqatar naqty tapsyrmalar berdi. Aqparat jáne kommýnıkasııalar mınıstrligine, «Azamattarǵa arnalǵan úkimet» Memlekettik korporasııasyna jumystyń sıfrlyq formatyna kóshý aıasynda usynylatyn qyzmetterdiń sapasyna erekshe nazar aýdarý tapsyryldy.
«Memlekettik qyzmet kórsetýlerdiń 85% «Azamattarǵa arnalǵan úkimet» Memlekettik korporasııasyna berildi – biz joǵary mejege jettik. Biraq, eger muqııat qaraıtyn bolsaq – qyzmet kórsetýlerdiń sapasy boıynsha biraz jumys júrgizý qajet. Másele qansha qyzmet kórsetetinimzde emes, qalaı kórsetetinimizde. Halyq sapasyz qyzmet alǵanyn sezgen kezde bári bir qaǵaz túrindegi anyqtama alýǵa barady. Munda memlekettik organdar óz tásilderin ózgertýi tıis», — dedi Baqytjan Saǵyntaev.
Aqparat jáne kommýnıkasııalar mınıstrligine múddeli memlekettik organdarmen birge qosymsha memlekettik qyzmet kórsetýlerdi balamasyz qyzmet kórsetýge kóshirý boıynsha Jumys josparyn pysyqtaý qajet. Premer-Mınıstr azamattardyń jeke málimetterin qorǵaý máselesine erekshe nazar aýdardy.
«Memlekettik korporasııanyń laýazymdy tulǵalary men qyzmetkerleriniń jaýapkershiligin kúsheıtý qajet», — dep atap ótti Baqytjan Saǵyntaev.
Ulttyq ekonomıka mınıstrligine bir aıdyń ishinde «jasyryn» qyzmet kórsetýler, jaýapty laýazymdy tulǵalardy anyqtaý boıynsha Jol kartasyn ázirleý tapsyryldy.
