Aýyldyń sánin jastar keltiredi

Aýyl jastarynyń oblystyq fo­rýmy sońǵy jyldary kóp jumysqa muryndyq bolǵan «Dıplommen – aý­ylǵa!», «Aýyldyń gúldenýi – Qa­zaq­stannyń gúldenýi!», «Jasyl el» jo­balary boıynsha bitken istiń qo­ry­tyndysy ispetti boldy. Elbasy Nur­sultan Nazarbaevtyń basta­ma­la­ryn qoldap, onyń júzege asýyna be­l­sendilik kórsetken jas mamandar ob­lystyń barlyq aýdandarynan, shal­ǵaı aýyldarynan jınaldy. Táýel­siz­diktiń aq tańy atqan 20 jyl ishinde elimizdiń strategııalyq damý baǵdar­la­masy júzege asty, álem jurtshy­lyǵy Qazaqstannyń qaryshtap da­mýy­­na kýá boldy. Memleket bas­shy­sy Nur­sultan Nazarbaevtyń kemel saıa­sa­tymen jas memleketimiz bedeldi ha­lyqaralyq uıymdarǵa múshe boldy. Jıyrma jylda elimizdiń ekono­mıkasymen qatar áleýmettik sala da kórkeıdi. Elimizde osy jyldar ishinde 750 jańa mektep salyndy, 500-ge tarta densaýlyq saqtaý nysandary boı kóterdi, 5300 mektepke deıingi mekemeler esigin ashty. Osy istiń barlyǵynda jastardyń da úlesi bar. «Dıplommen – aýylǵa!» baǵdarla­masy boıynsha joǵary jáne arnaý­ly bilim ordalarynan jyl saıyn qanshama jas aýylǵa attanady. Soń­ǵy on jyl ishinde oblysta 1761 jas maman úlken ómirge jolyn aýyldan bastaǵan. Qazir aýyl mektepterinde osy joba sheńberinde 1400 jas mu­ǵalim, aýyldyq emdeý oryndarynda 279 dáriger eńbek etip júr. Anar Ábenova oblys ortalyǵy­nan shalǵaıda jatqan Qamysty aýda­ny ortalyǵyndaǵy orta mektepte eki jyldan beri muǵalim bolyp qyzmet etedi. – Men pedagogıka ınstıtýtyn bitirgennen keıin týǵan jerime qaıtyp bardym. Qazir ózime aýdan ortaly­ǵy­nan páter berildi. Páterdiń qaladaǵy baspanalardan esh aıyrmasy joq – ot jaqpaımyn, sýy ishinde, óte qo­laı­ly. Memleket tarapynan jas ma­manǵa tıesili kómekti de aldym. Qa­zir pedagogıka ujymynda ózim sııaq­ty jas mamandar kóp. Maman­dy­ǵym­dy jaqsy kóremin. Aýyl balala­ry­men jumys istegen óte unaıdy, – deıdi Anar. Aýylda júrip te jas maman ózin rýhanı jaǵynan ósirýge, aldyna úl­ken maqsattar qoıýyna bolady. О́ıt­ke­ni aýylda qalalyq jerler paıda­la­nyp otyrǵan órkenıet jetis­tikte­riniń barlyǵy da bar. Internet, jelisiz baılanys aýyldaǵylardy kósh­ten qaldyryp jatqan joq. Al aý­yl­dyń ekonomıkalyq-áleýmettik ále­ýe­­­­tin kóterý qol jetpeıtin sharýa emes. Tıimdi jobalar, baǵdarlamalar ýaqy­­tynda júzege assa, jastar belsendi túrde atsalyssa bitpeıtin ne bar? Aýyl jastary forýmynda oblys ákiminiń orynbasary Serik Bektur­ǵanov jastardyń bastamalary men belsendiligi asýlarǵa bastaıtynyn, memleket tarapynan aýyldy, aýyl sharýashylyǵyn kóterýge jasalyp otyrǵan qamqorlyqty tilge tıek etti. Jaqynda Shymkent qalasynda ót­ken respýblıkalyq slette «Aýyl­dyń gúldenýi – Qazaqstannyń gúlde­nýi!» respýblıkalyq marafon-esta­fetasy boıynsha Qostanaı oblysy jastary eńbek otrıadynyń qyzmetin úılestirý shtaby eń úzdik dep ta­nyldy. Jazǵy eńbek naýqanynda «Jasyl el» jobasyna stýdentterdiń qurylys, arheologııalyq, vet­erı­nar­lyq, mehanıkalandyrylǵan otrıadta­ry belsene qatysty. Jazda eńbek otrıadtary quramynda 3 myń stýdent jastar jumys istep, olar 120 mıllıon teńgeniń jumysyn ıgerdi. Olar áleýmettik-qurylys nysandarynda, kúzgi jıyn-terin alqaptarynda, jaz­ǵy balalar lagerlerinde, «Bıznes­tiń jol kartasy» sheńberindegi ın­ves­tısııalyq nysandarda eńbek etti. Aýyl jastary forýmynda «Aý­yldyń gúldenýi – Qazaqstannyń gúldenýi!» respýblıkalyq marafon-estafetasyn júzege asyrý sheń­be­rinde erekshe tabystarǵa qol jetkizgen Meńdiǵara, Áýlıekól, Taran aý­dandarynyń úılestirý shtabtary birinshi, ekinshi, úshinshi oryndardy ıe­lendi. Júldeli oryndar bul aýdandar shtabyna beker berilgen joq. Mysaly Meńdiǵara aýdanynda jas­tardyń 113 eńbek otrıady jumys istedi. Olardyń qolymen «Ana men bala» alleıasy, 2 balalar alańy sa­lyn­dy. Onyń syrtynda 25 eskertkish jóndeldi, 30 saıabaq qalpyna keltirildi. Mundaı ister ár aýdannan ta­bylady. Mine, jastar júrgen jer osylaı kórkeıedi. Forýmǵa qatysýshylar Ult kósh­basshysy Nursultan Nazarbaevtyń «Qazaqstan naǵyz patrıottar arqa­syn­da myqty, gúldengen elge aına­lady» degen sózin qoldaıtyndyǵyn bildirdi. Aýyl jastarynyń forýmy «Qara jorǵa» bıimen jáne «Atameken» ánimen aıaqtaldy. Názıra JÁRIMBETOVA. Qostanaı.