Jas jýrnalıster forýmy

Akademık M. Qozybaev atyndaǵy ýnıversıtette «Táýelsiz­dik­tiń 20 jyldyǵy jas jýrnalıster qalamynda» atty respýblı­ka­lyq jas jýrnalıster forýmy ótti. Ony Bilim jáne ǵylym mınıstrligi, Soltústik Qazaqstan oblystyq ishki saıasat basqarmasy, «Jasa» kreatıvti sheshimder ortalyǵy» qoǵamdyq qory birlesip uıymdastyrdy. Jas qalam ıeleriniń basyn to­ǵystyrǵan jıynda áriptestik baı­­lanysty nyǵaıtý, ózekti máse­le­lerdi aıyryp jazý, shyǵarma­shy­lyq belsendilikti arttyrý, ózekti proble­ma­lardy kóre bilý jaı­la­ry jan-jaqty talqylandy. Alqa­ly basqosýda ob­lys ákiminiń or­ynbasary Farhad Qý­anǵanov sóı­lep, sharanyń mańyz­dy­ly­ǵyn atap ótti. О́ńirde atqarylyp jat­qan jumystarmen tanystyrdy. «Qyzyljar-aqparat» KMK dı­rek­tory-bas redaktory Káribaı Musyr­man 10 myń danamen ta­raı­tyn oblys­tyq «Soltústik Qa­zaqstan» gazetiniń tájirıbesine súıene otyryp, BAQ qyzmet­ker­le­ri aldynda turǵan mindetterge toqtaldy. Ýnıversıtettiń jýr­nalıstıka bólimi jas maman­dar­dy daıyndaıtyn tárbıe oshaǵyna aı­nalyp otyrǵanyn tilge tıek etti. «Alash» jýrnaly men «Bolashaq» ga­zetiniń bas redaktory Dáýren Baba­mu­ratov tórtinshi bılik ókil­deri men qoǵam arasyndaǵy sa­baq­tastyqqa basa nazar aýdarsa, Ál-Farabı atyn­daǵy Qazaq ulttyq ýnıversıteti jýrnalıstıka fa­kýl­tetiniń aǵa oqytý­shy­sy, ult­tyq jýrnalıstik zertteý orta­ly­ǵynyń jetekshisi Dáýren Smaıyl óz oıyn sheberlikti jetildirý tur­ǵysynan órbitti. Odan ári dóń­ge­lek ústel uıymdastyrylyp, erkin taqyrypta pikirler almasyldy. Forýmda alty atalym boıyn­sha jas jýrnalısterdiń úzdik shy­ǵar­ma­lary marapattaldy. «Jasa» krea­tıv­ti sheshimder ortalyǵy» qorynyń alǵys hattary tabys etildi. О́mir ESQALI. Soltústik Qazaqstan oblysy.