Para alyp omaldy

Memleket basshysynyń tapsyrmalaryn oryndaý barysynda qarjy polısııasy organdary sybaılas jemqorlyqqa qarsy turý, kishi jáne orta kásipkerlik sýbektilerinen júıeli túrde para bopsalaý derekterin anyqtaý jáne onyń jolyn kesýdi jedel-tergeý qyzmetiniń basym baǵyttary retinde belgilegen edi. Osyǵan oraı olar elimizdiń barlyq aımaqtarynda baqylaýshy organdar tarapynan bıznes isterine zańsyz aralasý derekterin anyqtady. Shyǵys Qazaqstanda ob­lys­tyq sáýlet-qurylys baqylaý bas­qarma­sy­nyń laýazymdy tul­ǵalary men qyz­metkerleri ta­ra­pynan kásipkerlerge qurylys-montaj jumystaryna memlekettik lısenzııa berý jáne bu­ryn berilgen lısenzııa­lardyń merzimin uzartý úshin olardan júıeli túrde para talap etken faktileri ashyldy. Oblystyq qar­jy polısııasy departamentine sáýlet-qurylys basqarma­sy­­nyń laýazymdy tulǵalary qu­ry­lys-montaj jumystaryna lısenzııa­nyń merzimin uzartý úshin 75 myń teńge kóleminde pa­ra bopsalap otyr degen aryz­ben kásipker júgindi. Jú­zege asyrylǵan sharalar nát­ı­je­sin­de atalǵan fakt rastaldy, oǵan qo­sa, osy mekemedegi para alý­dyń basqa da dálelderi anyq­tal­dy. Olar júıeli túrde bo­lyp turady eken. Odan ári júrgizilgen jedel-izdestirý sharalary barysynda, qurylys-montaj jumystaryna lısenzııany berý úshin 150 myń teńge para aldy degen kúdikpen lısenzııalaý bóliminiń bastyǵy Raqyshev pen osy bólimniń bas mamany Dýsýpov ustaldy, aǵym­­da­ǵy jylǵy 13 qazanda olarǵa qatys­ty qylmystyq ister qoz­ǵaldy. Al 16 qazanda olar sot sanksııasymen qa­maýǵa alyndy. Odan ári júrgizilgen jedel-izdestirý sharalarymen Shyǵys Qa­zaqstan oblysynyń Sáýlet-qu­rylys baqylaý basqarmasy bas­tyǵynyń orynbasary Múke­evtiń qurylys-montaj jumys­ta­ry­nyń lısenzııalaryn berý jáne onyń merzimin uzartý úsh­in jalpy kó­lemi 300 myń teńge para alý deregi de an­­­yqtaldy. 4 qarashada Mú­keev us­taldy, oǵan qatysty birneshe ret para alý faktisi boı­yn­­sha qylmystyq is qozǵaldy. 6 qa­ra­shada sot sank­sııa­sy­men ol qa­maý­ǵa alyndy. Aıyp­talý­shy­lar­dyń ózge de para alý isi tekserilýde. Sonymen birge, 2011 jylǵy 24 qazanda Sáýlet-qurylys ba­qy­laý bas­­qarmasynyń lısenzııa­laý bóli­mi­niń bas mamany She­rııazdanovaǵa qa­tys­ty paraqor­lyqqa deldal bolý áre­keti boı­ynsha qylmystyq is qoz­ǵaldy, naqty aıtqanda, oǵan lısenzııalaý bóliminiń bastyǵy Raqy­she­v­tiń 500 AQSh dollary kóle­min­de para alýy kezinde deldal bol­dy degen aıyp taǵylyp otyr. Sherııazdanovaǵa qatysty esh­qaı­da ketpeý úshin qolhat alý tú­rin­degi bultartpaý sharasy tań­­dal­dy. Qylmystyq ister tergelýde. Jalpy, 2011 jylǵy 10 aıda qar­jy polısııasy organda­ry­men para­qor­lyq derekteri boı­yn­sha 470 qyl­mystyq is qoz­­ǵal­dy, onyń 331-i para alý, 101 – para berý, 38 – paraq­or­lyq­qa deldal bolý dep habarlady Eko­no­m­ı­kalyq qylmysqa jáne sy­­­baı­las jemqorlyqqa qarsy kú­res agent­ti­gi­niń baspasóz qyzmeti. «Egemen-aqparat».