Aksııa taýarlardy satyp alǵany, jumystardy oryndaǵany jáne qyzmetterdi kórsetkeni úshin aqshalaı esep-aıyrysýlar kezinde kásipkerlerdiń túbirtekterdi berýine qatysty baqylaý-kassalyq tártipti qamtamasyz etýge baǵyttalǵan. Osylaısha, Memlekettik kirister komıteti azamattarǵa salyqtyq zańnamany saqtaý boıynsha qoǵamdyq baqylaýǵa qatysýyna, onyń ústine baǵaly júldeler utyp alýǵa múmkindik berdi.
Sharaǵa qatysý «Wipon» mobıldi qosymshasy arqyly júzege asyryldy. Ony «Apple App» store» men «Google Play market» mobıldi dúkenderinen tegin júktep alýǵa bolady.
«1 mamyrdan 30 qarashaǵa deıingi merzimde ótken aksııa elimizdegi barlyq oblystardy, Astana men Almaty qalalaryn qamtydy. Aı saıyn qorytyndy jasap, utys júldelerin ýaqytyly tapsyryp otyrdyq. Jeti aı ishinde respýblıka boıynsha 336 jeńimpaz anyqtalyp, turmystyq jáne keńse tehnıkalaryn tabys ettik», degen Memlekettik kirister komıtetiniń tóraǵasy Ardaq Teńgebaev úmitkerlerden 2,4 mıllıonǵa jýyq chek qabyldanǵanyn aıtty.
Uıymdastyrýshylardyń aıtýynsha, 13 jeltoqsan kúni aksııanyń bas júldesi – avtokóliktiń ıesi anyqtaldy. Ol – pavlodarlyq Áset Ámirqulov. «Osyndaı qomaqty júldeni utyp alǵanyma, shynymdy aıtsam, bastapqyda sener-senbesimdi bilmedim. Mundaı naýqan el azamattarynyń salyq mádenıetin qalyptastyrýǵa yqpal etip, qarjysyn yqtııatty jumsaýǵa úıretedi. Sonymen qatar bıýdjet qazynasyn eseleýge de múmkindik týǵyzady. Barsha qazaqstandyqtardy osy sharaǵa qatysýǵa shaqyramyn», dedi jeńimpaz «temir tulpar» kiltin saltanatty túrde tapsyrý rásiminde.
Ashat RAIQUL
«Egemen Qazaqstan»
