– О́zderiniń qarbalas jumystaryna qaramastan, polısııa qyzmetkerleri balalarǵa tamasha kóńil-kúı syılaýda, - dedi Semeı qalalyq IIB memlekettik tildi damytý jáne nasıhat bóliminiń bastyǵy Elýbek Ospanov,-erteńgilikke qyzmettik mindetterin atqarý kezinde qaza bolǵan qyzmetkerlerdiń balalary da shaqyrylyp, olarǵa erekshe kóńil bólindi. Jańa jyl keshinde polısııa qyzmetkerleri qala kóshelerinde qoǵamdyq tártipti kúzetetindikten, olardyń balalary jańa jyldy ata-analarynsyz qarsy alady. Merekeni uıymdastyrýshylar balalarǵa ata-analarynyń kásipteriniń jaýapkershiligi men mańyzylyǵyn jetkizýge tyrysty.
Osylaısha IIB úlken májilis zaly jańa jyl merekesine saı ásem bezendirilip, sıqyrly álemge aınaldy, al eresekter balalarǵa merekelik kóńil-kúı syılaý úshin ertegi keıipkerlerin somdady.
Jańa jyldyq erteńgilikte arnaıy sóz alǵan Semeı qalalyq IIB bastyǵynyń orynbasary polısııa polkovnıgi M.Quljabaev balalardy jańa jyl merekesimen quttyqtady. Balalar ertegi keıipkerlerin qýanyshpen qarsy aldy. Aıaz ata men Aqshaqar balalarmen birge shyrshany aınalyp, án shyrqap, bı bıledi, ártúrli saıystar uıymdastyryldy. Balalar ýaqyttaryn óte qyzyqty ótkizip, jańa dostar taýyp, mereke qarsańynda qýanysh sezimine bólendi. Is-shara boıy zalda balalardyń syńǵyrlaǵan baqytty kúlkileri estilip, olar syıqyrly, ǵajaıyp álemge engendeı boldy.
Mereke sońynda qyzmet atqarý kezinde qaıtys bolǵan qyzmetkerlerdiń jubaılary men balalary osyndaı is-shara uıymdastyryp, meıirban kóńilmen qam kóńilderin aýlaǵan polısııa qyzmetkelerine alǵystaryn aıtty. Osyndaı merekelik is-shara IIB aýmaqtyq polısııa bólimderinde de ótti.
Raýshan Nuǵmanbekova,
Semeı
Sýretter avtordyki.
