Mınıstrlik Taılandtaǵy qazaqstandyq dıplomattar Phýket aralynda jol-kólik apaty saldarynan zardap shekken Qazaqstan azamattarymen turaqty baılanysqa shyǵyp, qajetti kómek kórsetip jatqanyn aıtty. «9 qańtar kúni «Hanuman World» attraksıondar parki aýmaǵynda ashyq mıkroavtobýs jol apatyna ushyraǵannan keıin Qazaqstannyń 8 azamatynyń tórteýi (1945 jáne 1982 jyldary týǵan er adamdar men 1978 jáne 1993 jyly dúnıege kelgen áıelder) túrli jaraqatpen arýhanaǵa jetkizilse, qalǵan tórteýi jeńil jaralanǵan.
Eki zardap shegýshige ota jasaldy. Qazirgi ýaqytta olar jergilikti klınıkada emdelip jatyr. Aýrýhanaǵa jatqyzylǵan áıelderdiń biri (1993 jyly dúnıege kelgen) búgin aýrýhanadan shyqty. Barlyq zardap shegýshiniń medısınalyq saqtandyrýy bar»,- dedi vedomstvodan. Eske sala keteıik, buǵan deıin Taılandta jol-kólik oqıǵasynan Qazaqstannyń 8 azamaty zardap shekkendegi týraly habarlaǵan bolatynbyz.
