Jurtshylyqpen kezdesý barysynda Elbasynyń atyna kóptegen jyly sózder aıtyldy. Sondaı-aq on negizgi mindet aıasynda óndiris úderisterin sandyq negizge kóshirý arqyly ındýstrııalandyrýdy óristetý, bilim berýdi jańa sıpatta damytý, qarjy sektoryn qaıta qalyptastyrý, kólik-logıstıka ınfraqurylymynyń tıimdiligin arttyrý, sybaılas jemqorlyqpen kúres jáne tıimdi memlekettik basqarý júzege asatynyna senim bildirdi.
Baǵdarlamalyq qujattaǵy daǵdarysqa qaramastan memleket óziniń áleýmettik mindettemelerin tolyq kólemde oryndaıtyny, ıaǵnı bizdiń azamattarymyzdyń ál-aýqat deńgeıin odan ári arttyrý múmkindigi bar ekenin aýyl turǵyndary rızashylyqpen qabyldady. 1 qańtardan bastap yntymaqty zeınetaqy 8 paıyzǵa ósti, al shildeden bastap bazalyq zeınetaqy eńbek ótiline baılanysty ortasha alǵanda 1,8 ese ulǵaıady. Prezıdent odan basqa 1 shildeden bastap balalyq kezinen kámelet jasyna tolǵan 1 toptaǵy múgedekterdiń kútimi úshin ata-analaryna memlekettik qosymsha járdemaqy engizýdi tapsyrdy. Bul óte qajetti qoldaý bolyp tabylady.
Mektep muǵalimderi de eńbekaqyny kóterý týraly sheshimdi alǵys sezimimen qabyldady. Bul shara olardyń eńbeginiń bedelin kóteredi jáne kásibı biliktiligin odan ári jetildirýge yntalandyrady. 1 qańtardan bastap mazmuny jańarǵan oqý materıaldaryna kóshetin muǵalimderdiń laýazymdyq eńbekaqysy 30 paıyzǵa ulǵaıady jáne qarqyndy damyp kele jatqan ekonomıkanyń arqasynda memlekette oǵan jetetin qarjy bar.
Aýyl eńbekkerleri Joldaýda agroónerkásip kesheni bizdiń elimiz ekonomıkasynyń draıveri retinde atap ótilgenin, bul sala aldyna bıik ári oryndalatyn mindetter qoıylǵanyn atap ótti. Prezıdent atap ótkendeı, aýyl sharýashylyǵy ǵylymy aıryqsha nazar aýdarýdy jáne agrarlyq ýnıversıtetterdiń rólin qaıta qaraýdy, jańa tehnologııalar men bıznes úlgilerin oılanyp engizýdi talap etedi. Elbasy memleket pen bıznes ókilderi birlese otyryp, otandyq ónimdi ilgeriletý kerektigi týraly aıtty. Prezıdenttiń bul sózi óńdelgen aýyl sharýashylyǵy ónimderiniń eksportyn ulǵaıtý úshin qajyrly qyzmet etip jatqan jáne eńbek ónimdiligin ulǵaıtýǵa ázir jergilikti ónim óndirýshilerge qanat bitiredi.
Olga PEREPEChINA,
Parlament Senatynyń depýtaty
