Fatıma Jaqypova: Prezıdent Joldaýy jańa álemge jetý jolyn aıqyndaıdy

Bul rette akademııa ujymy Elbasy belgilegen 10 mindettiń ishinen «Tıimdi memlekettik basqarý» mindetine asa nazar aýda­rady. Memlekettik basqarý tıimdiligin arttyrý boıynsha mindetter spektriniń arasynda Elbasy memlekettik organ­dar naqty ýaqyt jáne jede­l jaýap berý rejiminde azamat­tar­d­yń eskertpeleri men usy­nys­taryn esepke alý úshin zama­naýı sıfrly tehnologııalar­dy qoldanýǵa tıis ekenin atap ótti. Bul memlekettik qyzmet­shi­ler­diń kásibı jáne tulǵalyq quzyretterin damytýǵa tikeleı qa­tys­ty. Sonymen qatar mem­lekettik organdardyń jáne memlekettik qyzmetshilerdiń IT áleýetin, onyń ishinde kúndelikti jumysta IT quraldaryn qoldana bilýdi kúsheıtý de aıryqsha orynǵa ıe.

Osy baǵytta qazaqstandyq memlekettik qyzmetshilerdiń ózgeristerge daıyn bolýy da asa mańyzdy bolyp tabylady. Bolyp jatqan úderisterdiń jyldamdyǵyn eskerip, tek memlekettik organdar qyzmetine ózgerister engizip qana qoımaı, eń jańa úrdisterdiń aldynda bolýymyz qajet.

Prezıdenttiń alǵa qoıǵan mindetteriniń mańyzdylyǵyn túsine otyryp, Memlekettik bas­qarý akademııasy memle­ket­tik qyzmetshilerdi strate­gııa­lyq menedjmentke, kóshbasshy­lyqqa, jobalyq menedjmentke, úlken derekterdi taldaýǵa, fak­tilerge negizdelgen sheshim­der­di qabyldaýǵa oqytý arqyly olar­dyń kásibı damýyn qam­tama­syz etedi. Sondaı-aq qyz­met­ti tutynýshyǵa baǵdarlaýǵa, tu­tyný­shyny aqparattandyrýǵa, túrli qıynshylyqtarǵa tózim­dilik syndy quzyretterdi damy­týǵa erekshe nazar aýdarylady.

Jalpy, Joldaýdy iske asyrý maqsatynda akademııa aldaǵy ýaqytta tómendegi baǵyttarda jumys jasaıtyn bolady:

Birinshi. «Sıfrly Qazaq­stan» memlekettik baǵdarla­ma­sy sheńberinde «Sıfrly Ak­a­de­mııa» jobasy júzege asy­ry­­lady. Bul akademııaǵa mem­le­­ket­tik qyzmetshilerdiń IT qu­­zy­­retterin kúsheıtý úshin orta­lyq bolýǵa múmkindik beredi jáne Joldaýda mańyzdylyǵy atap ótilgen, memlekettik organ­dardaǵy úderisterdi sıfrlan­dyrýǵa jaǵdaı jasaıdy.

Ekinshi. Álemde bolyp jat­qan qarqyndy ózgeristerge be­ıimdelý úshin birinshi kezekte memlekettik basqarý salasyna zamanaýı tehnologııalardy engizý qajet. Solardyń biri – baǵdarlamalyq jáne jobalyq basqarý. Akademııa osy baǵytta biraz jumystardy qolǵa alyp, tek qana oqytýmen shektelmeı, ádistemelik qoldaý kórsetý men mamandardy kásibı sertıfıkattaý júıesin engizýde. Bul jumystardy atqarý maqsatynda akademııaǵa tájirıbeli, otandyq zańnamany biletin, naqty jobalardy josparlaý, iske asyrý, monıtorıng júrgizýge qatysqan mamandar tartylady.

Akademııanyń negizinde qu­rylǵan Memlekettik basqarý­dyń jobalyq menedjmentin damytý ortalyǵy 2018 jyldan bastap memlekettik qyzmetshilerdi 2 standart boıynsha sertıfıkattaıtyn bolady.

Elbasy Joldaýynda ár min­det­ke qatysty naqty maqsat qoıyp otyr. Mysaly, ındýs­t­rııa­landyrýdyń úshinshi bes jyldyǵyn ázirleý. Ol jańa baǵdarlama men birneshe jańa joba paıda bolady degen sóz. Agroónerkásip kesheni boıynsha 5 jylda eńbek ónimdiligin 2,5 ese arttyrý, kólik-logıstıka ınfraqurylymy boıynsha 2020 jyly tranzıtten túsetin tabysty 5 mlrd dollarǵa jet­kizý, qurylys salasy boıynsha 2030 jyly bas­panamen qam­tý kórsetkishin bir turǵynǵa shaq­qanda 30 sharshy metr­ge jetkizý – naqty baǵ­dar­lamalar men jobalardyń maq­sattary. Osy jobalardy tıimdi basqara alatyn jańa tehnologııa­lardy meńgergen basshylar – jobalyq menedjerler qajet.

Úshinshi. Prezıdent óńirler­degi memlekettik qyzmettiń tıim­dilik áleýetin olardyń ekono­mıkalyq derbestigi men jaýap­kershiligin arttyrý arqyly meılinshe tolyq ashý kerektigi týraly aıtty. Osyǵan baılanysty «Kórkeıgen óńirler – myqty Qazaqstan» formýlasy jańa ımpýlske ıe bolýda jáne Qazaqstannyń júıeli damýyna qyzmet etetin bolady.

О́ńirlik memlekettik qyzmet áleýetin kúsheıtý belgili bir shamada memlekettik qyzmetshilerdi biryńǵaı oqytý júıesin qurýǵa yqpal etetinin atap ótken jón, onda akademııa men onyń barlyq oblys ortalyqtaryndaǵy jáne Almaty qalasyndaǵy fılıaly ortalyq oryn bolyp tabylady.

Akademııanyń fılıaldyq jelisin qurý Prezıdent Ákimshi­li­giniń tapsyrmasyna sáıkes júzege asyryldy jáne ol 2017 jyl­dyń jeltoqsan aıynda aıaq­taldy. 2018 jyly tolyq­qan­dy jumys jasaýǵa ótý mem­lekettik qyzmetshilerdi biryńǵaı oqytý standarttaryna kóshirýge jáne óńirlerdi damy­týdyń aǵymdaǵy jáne pers­pek­tıvaly qajettilikterin eskerýge múmkindik beredi.

Jalpy aıtqanda, Joldaýdyń «Tıimdi memlekettik basqarý» mindeti – memlekettik qyzmet áleýe­­tiniń damýyna halyqtyń seni­mi artatyn bolady, sonymen qatar ol Qazaqstannyń damýyna úlesin qosady degen senimdemiz.

Fatıma JAQYPOVA,
Memlekettik basqarý akademııasynyń rektory