Ýnıversıtettik bilim berý salasynda jumys isteıtin barlyq tulǵalar úshin eldiń jańa damý kezeńinde Qazaqstannyń ıgiligi úshin áleýmettik-ekonomıkalyq ómiriniń barlyq salalaryna jańa jetistikter engizilip jatqan kezde, bılik basynda burynǵydaı elimizdiń azamaty turǵany óte mańyzdy. Bilim berý qoǵamdastyǵy aldyna Elbasy «barlyq jastaǵy azamattardy qamtıtyn bilim berý isinde ózimizdiń ozyq júıemizdi» qurý mindetin qoıyp otyr. Prezıdent adamnyń únemi jetilip, bilimderi men daǵdylaryn jańartý qabiletteri ómirde jeke tabysqa jetýine jáne elimizdiń gúldenýine jol ashatynyna nazar aýdarady. Ýnıversıtet rektory retinde qazirgi stýdent jastardyń sıfrly dáýir jaǵdaıynda kásibı umtylystaryn júzege asyrý úshin zor áleýeti bar jáne olardyń ınnovasııalardy qabyldaýǵa daıyn ekenin dáleldeı alamyn.
Mektep baǵdarlamalarynyń mazmunyn jańartý – zamanaýı álemmen tıimdi qarym-qatynas jasaýǵa qabiletti kreatıvti tulǵany tárbıeleý. О́skeleń urpaq boıynda tehnologııalyq dáýir jaǵdaıynda ómirlik qajeti bar daǵdylardy meńgerýge umtylýdy tárbıeleý úshin sol ıdeıalar men maqsattarǵa ortaqtasa alatyn ustazdardy daıarlaý qajet. Osyǵan baılanysty Prezıdent «joǵary bilim berý isinde jasandy ıntellektpen jáne «úlken derektermen» jumys isteý úshin aqparattyq tehnologııalar boıynsha bilim alǵan túlekter» sanyn kóbeıtý mindetin qoıyp otyr.
Prezıdenttiń jas ǵalymdar úshin ǵylymı granttar aıasynda kvota bólý týraly sózin ǵylymı qoǵamdastyq shabyttana qabyldady. Bul jas zertteýshiler urpaǵynyń ıdeıalaryn is júzinde iske asyrý múmkindikteriniń órisin keńeıtedi.
Bıznesti, óndiristik sektordy qoldanbaly ǵylymı-zertteý ázirlemelerin daıyndaýǵa tartý ǵylymı ıdeıadan bastap onyń nátıjelerin engizýge deıingi joldy edáýir qysqartady. Iаǵnı ǵylym óńir men el úshin mańyzdy máselelerdi sheshýge baǵyttalady.
Elbasy úsh tilde bilim berý tájirıbesin odan ári damytý qajettigin atap ótti. Bul rette Prezıdenttiń jas qazaqstandyqtardyń laıyqty bolashaǵy týraly qamqorlyǵyn sezinýge bolady. «О́ziniń tarıhyn, tilin, mádenıetin biletin, sondaı-aq zamanyna laıyq, shet tilderin meńgergen, ozyq ári jahandyq kózqarasy bar qazaqstandyq bizdiń qoǵamymyzdyń ıdealyna aınalýǵa tıis».
E.A.Bóketov atyndaǵy Qaraǵandy memlekettik ýnıversıtetiniń úshtildi kadrlardy daıarlaý tájirıbesi bar. Bul baǵdarlamany meńgergen túlekter tabysty jumys jasaıdy, olar utqyr, qosymsha biliktilikterge ıe bolyp, úzdik sheteldik tájirıbeni yqylaspen qabyldaıdy. Qazirgi kezeńde ýnıversıtet mektepterde bıologııa, hımııa, ınformatıka, matematıka tárizdi pánderdi aǵylshyn tilinde oqytatyn ustazdardy daıarlaýǵa kiristi.
Qazaqstandyqtardyń zamanaýı álemdik órkenıet shyńdaryna qaraı baǵyttalǵan joly qazaq tiliniń álipbıin latyn grafıkasyna kóshirý arqyly aıtarlyqtaı jedeldetiledi. Osy baǵyttaǵy alǵashqy qadamdar qoǵamnyń úmitin aqtap, jaǵymdy pikirlerge ıe boldy.
Barlyq deńgeıdegi bilim berý júıesiniń búgingi tańda qalyptasyp kele jatqan jańa paradıgmasy enjarlyq, ústirttikke, quzyretsizdikke jol bermeıdi.
Erkin KО́BEEV,
E.Bóketov atyndaǵy Qaraǵandy memlekettik ýnıversıtetiniń rektory
Qaraǵandy oblysy
