Aq úıdiń baspasóz qyzmeti Prezıdent Donald Tramp pen Qazaqstan Prezıdenti Nursultan Nazarbaev arasyndaǵy resmı kezdesýde talqylanatyn basty taqyryptardyń biri Aýǵanstan tóńireginde bolatynyn, eki eldiń kóshbasshylary «aımaqtyq qaýipsizdik jáne ekonomıkalyq yntymaqtastyq» máselelerin talqylaıtynyn habarlaǵan bolatyn. Sonymen qatar Aq úıdiń aıtýynsha, kezdesý barysynda Qazaqstannyń birqatar halyqaralyq máseleler boıynsha kóshbasshylyq etetini de talqylanatyn bolady.
Bul sapar Qazaqstannyń Birikken Ulttar Uıymynyń Qaýipsizdik Keńesine tóraǵalyq etý ýaqytymen tuspa tus kelip otyr. Sońǵy ret Tramp Nazarbaevpen mamyr aıynda Saýd Arabııasynda Arab-Islam-Amerıkan sammıtinde jolyqqan bolatyn.
Qazaqstan Ulttyq baspasóz klýbynyń habarlaýynsha, Tramp Prezıdenttikke saılanǵannan keıin, ol Nazarbaevqa «sizdiń basshylyǵyńyzben Qazaqstan kóptegen jetistikterge qol jetkizdi, tipti, ony «ǵajaıyp» dep te ataýǵa bolady» degen.
