16 qańtarda Nursultan Nazarbaev Donald Tramppen birinshi ret kezdesedi. Aq úı ókilderiniń habarlaýynsha, eki el basshylary kezdesýde ekijaqty ekonomıkalyq yntymaqtastyq pen aımaqtyq qaýipsizdik máseleleri boıynsha strategııalyq seriktestikti nyǵaıtý joldaryn talqylaıtyn bolady. Sonymen qatar kún tártibinde Aýǵanstan taqyryby da bar. Árıne, Ortalyq Azııa elderiniń basshylary AQSh-qa kelgende Aýǵanstan máselesi talqylanbaı qalmaıdy. Biraq bul taqyryp óziniń mańyzdylyǵyn joıǵan joq. Sebebi Aýǵanstandaǵy soǵys jańa satyǵa ótti.
Sonymen qatar 2017 jyly Soltústik Koreıanyń ıadrolyq qarýǵa baılanysty ambısııasy da ýshyǵyp ketti. Bul taqyryp qazaqtardyń júregine jaqyn ekeni sózsiz. Sebebi 1991 jyly bul el Keńes Odaǵynan qalǵan ıadrolyq qarýdan bas tartqan bolatyn. Sodan beri 25 jyl ishinde Astana ıadrolyq energııany beıbit jolda paıdalanyp, ıadrolyq qarýdy taratpaý jolyn qatań ustanyp keledi.
2015 jyly Qazaqstan Atom energııasynyń halyqaralyq agenttigimen (MAGATE) Tómen baıytylǵan ýran bankin qurý týraly kelisim jasady. Elder TBÝ-dy bankten elektr energııasyn óndirý úshin ǵana ala alady. Sol arqyly memleketter ýrannyń taralý qaýpin azaıtyp otyr. 2017 jyly tamyz aıynda banktiń qoımasy ashyldy. Bir aıta keterligi, Qazaqstan eń iri ýran óndirýshi memleketterdiń biri sanalady. 2016 jyly ýrannyń álemdik óndirisiniń 39 paıyzy Qazaqstanǵa tıesili.
Tramptyń Aýǵanstandaǵy Ońtústik Azııa strategııasy men Pákistannyń terrorshylardy qorǵaıtyny Vashıngton úshin Ortalyq Azııa elderiniń saıası mańyzyn arttyra túspek. Biz qalasaq ta, qalamasaq ta,Ortalyq Azııa sońǵy 20 jylda Aýǵanstan probelmasymen qatar atalyp keledi. Al bul aımaqtaǵy ekonomıkasy damyǵan eń belsendi memleket Qazaqstan ekeni sózsiz.
Nursultan Nazarbaevtyń AQSh-qa sapary Qazaqstan úshin de mańyzdy kezeńmen tuspa-tus keldi. 1 qańtarda Qazaqstan BUU Qaýipsizdik keńesindegi tóraǵalyǵyn bastady. Osyǵan baılanysty Astana birneshe mańyzdy brıfıngter ótkizip, taqyryptardy bekitti.
2017 jyly qyrkúıek aıynda Donald Tramp pen Nursultan Nazarbaev telefon arqyly sóılesken bolatyn. AQSh buqaralyq aqparat quraldary bul týraly shaǵyn ǵana aqparat taratýmen shekteldi. Biraq qazaqstandyq BAQ tolyq málimet keltirgenin baıqaýǵa bolady. Mysaly, Nursultan Nazarbaev Donald Tramppen telefon arqyly sóıleskende oǵan EKSPO-2017, MAGATE sekildi máseleler týraly aıtyp bergen. Sonymen qatar sol kezdesýde Donald Tramp qazaq prezıdentin AQSh-qa resmı saparmen shaqyrǵan. Al QazAqparattyń habarlaýynsha, eki memleket basshylary Reseı-AQSh qarym-qatynasy týraly aıtyp, N.Nazarbaev Vashıngton men Máskeý arasyndańy jaǵdaıdyń retteletinine úmitpen qaraıtynyn jetkizgen.
