Batys Qazaqstanda oqýshylar súıekten, aǵashtan kádesyı jasaıdy

– Bul sheberlik kásipti oqý­shylarǵa úıretetin úıirmeniń ashyl­ǵanyna úsh jyldyń júzi boldy. 16 shákirtim bar. Maldyń tuıaǵynan jáne súıekterinen mýzykalyq aspaptar, sondaı-aq túrli kádesyı da jasaımyz. Tuıaq óńdeý úshin bir jetideı ýaqyt sýǵa salyp, jibitip alyp, sonan soń ystyq sýǵa qaınatyp nemese ystyq qolamtaǵa salyp balqytyp alsa, kesip, jonýǵa jeńil bolady. Jumsap, balbyraǵan tuıaqty ııýge, qalypqa qysyp, kez kelgen pishinge keltirý ońaı. Tuıaqty ystyq qo­lam­taǵa salarda sýǵa malynǵan kıizben orap qoısa, tuıaq kúımeı jaqsy balqıdy. Osyndaı babyna kelip turǵan tuıaq, súıekterdi pyshaqpen erkin jonyp, túrli buıymdar ja­saýǵa bolady, – deıdi.

Aǵashtan túıin túıgen Saıran Madııarov ta áńgimege aralasty.  Meniń úıirmemde 8 shákirtim bar. Osy kásippen aınalysqanyma 10 jyldaı ýaqyt boldy. Endi osy bilgenimdi shákirtterge úıre­tip jatyrmyn. Qaıyń, emen, úıeń­ki aǵashtaryn paıdalanamyz. Domby­ranyń 5 túrin, qobyz jáne sadaq qarýyn jasasaq, aldaǵy ýaqyt­ta toptamaly qarý-jaraq túr­lerin de jasaý josparda tur, dedi ol.

Qyzyq kórip mal tuıaǵyn qo­lyma aldym. Jyltyrap, ázir turǵan materıaldan kúni erteń oqý­shylardyń altyn qolynan túrli buıymdar shyǵatynyn kóz al­dyma elestettim.

Búgingi kúnde bireý shetelge shyǵyp, sol jaqtan eskertkish syı­lyq alyp kelse, máz bolyp kórnekti jerge qoıamyz. Al jal­paqtaldyq jas sheberler jasaǵan óner týyndylary sheteldik káde­syılardan sapasy áldeqaıda joǵary.

Ásem BOLAT

Batys Qazaqstan oblysy,

Qaztalov aýdany