Balǵyndardy qýanyshqa bóledi

Mekeme bıyl da osy dás­túrden ja­ńyl­ǵan joq. Kom­panııa­nyń elimizdiń ár óńirinde ornalasqan óndiristik ke­sheniniń mamandary Balalar úıine, kámelettik jasqa tolmaǵandarǵa arnal­ǵan beıimdeý ortalyqtary men basqa da áleýmettik me­kemelerge arnaıy baryp, ba­la­larǵa ár­túrli sahnalyq kórinister qoıyp, syı­lyq­tar tapsyrdy. 

О́skemen metallýrgııalyq keshe­niniń qyzmetkerleri ma­mandandyrylǵan bala­lar úıiniń tárbıelenýshilerine oıyn­shyqtar, tátti-dámdiler jáne aıaq kıim men kıimderdi tartý etti. Bul mekemede bes jasqa tolmaǵan 79 balǵyn tárbıelenýde. 

Rıdder ken-baıytý kesheniniń ju­mys­shylary «Svetoch» jetim balalar úıin­­degi 30 óskinge arnap erteńgilik uıym­dastyrdy. «Balalar án salyp, taq­paqtar aıtyp, bılep, tátti-dámdiler men oıynshyqtar alyp, qýanyp, bir serpilip qaldy. Olardy shattyqqa bóleý úshin ssenarıı jazyp, karnavaldyq kostıýmder ázirlegenimizdiń ózi bir ǵanıbet is eken», deıdi Rıdder ken-baıytý keshe­niniń áleýmettik qoldaý qyzmetiniń mamany Irına Holodýlına.
Zyrıandaǵy ken-baıytý keshe­niniń qyz­met­kerleri korrek­sııalyq mektep-ınternat­tyń­ tár­bıelenýshilerine er­te­­gi keıipkerleri obrazynda­ ke­lip,­ erekshe qýanysh syılady. Es­týin­­­­de, sóz sóıleýinde kemistigi bar balalar kóńildi shoýǵa qatysyp, máz-­meıram bolyp qaldy. Kórinis sońyn­da qatysýshylardyń barlyǵyna syılyq­tar tapsyryldy. «Aıaz Ata rólin bulaı­sha shynaıy somdap shyǵamyn dep oıla­maǵan edim. Ár balanyń júzinen: «Biz­ge naǵyz Aıaz Ata ekenińizdi pash etińizshi» degen sózdi oqyǵandaı boldym. Tolqyǵanym da ras. Sondyqtan meıirimdi, keńpeıil, naǵyz Aıaz Ata bolýǵa tyrysyp baqtym», deıdi Zyrıan­daǵy ken-baıytý kesheni ken baıytý fab­rıkasynyń tas ýatýshysy Anton Ýshakov.

Al «Altyntau Kokshetau» qyzmetker­leri erekshe qajettiligi bar jetpis bala tárbıelenip jatqan arnaıy áleýmettik qyzmet kórsetý ortalyǵynda boldy. Bu­ǵan deıin mundaǵy ár bala óz ar­man-tilekterin aıtyp, Aıaz Ata­ǵa­­ hat jaz­­ǵan bolatyn. «Altyntau Kokshetau» qyz­metkerleri ár balanyń ar­­ma­nyn oryn­daýǵa tyrysyp, barlyq tár­bıe­­lený­shiler­ge syılyqtar usynyp, or­talyq bas­shylyǵyna mekemege qajet­ti dári-dár­mekterdi tabys etti.

Azamat ÁBIL

Shyǵys Qazaqstan oblysy