Saıası naýqan bastaldy

Qazaqstan Respýblıkasy Ortalyq saılaý komıssııasynyń keshegi otyrysynda Komıssııa máslıhattar depýtattarynyń saılaýyn 2012 jylǵy 15 qańtarǵa taǵaıyndady jáne aldaǵy Májilis depýtattarynyń saılaýyn ázirleý men ótkizý jónindegi negizgi sharalardyń Kúntizbelik josparyn bekitti. Parlament Májilisi depýtat­ta­ry ókilettiginiń parlamen­ta­rıı­lerdiń ózderiniń bastamashy­ly­ǵymen merziminen buryn toq­ta­tylýyna baılanysty Memleket basshysy óziniń Jarlyǵymen partııalyq tizimder boıynsha saı­lanatyn Parlament Májilisi depýtattarynyń kezekten tys saı­laýyn 2012 jylǵy 15 qań­tar­ǵa, al Qazaqstan halqy Assam­bleıa­sy saılaıtyn Parlament Májilisi depýtattarynyń saı­laýyn 2012  jylǵy 16 qańtarǵa taǵaıyndaǵany belgili. «Saılaý týraly» Zańnyń 87-baby 5-tarmaǵyna sáıkes par­tııalyq tizimder boıynsha saı­la­na­tyn Parlament Májilisi de­pý­tattyǵyna kandıdattar usyný 2011 jylǵy 16 qarashadan bas­tal­dy. «Saılaý týraly» Zańǵa sáıkes partııalyq tizimder boı­ynsha saılanatyn Parlament Má­jilisi depýtattyǵyna kandıdattar usyný quqyǵy belgilengen tár­tippen tirkelgen saıası par­tııa­larǵa tıesili. Qazaqstannyń Kommýnıstik partııasy bul naýqanǵa qatysa almaıdy. О́ıtkeni, sot sheshimi boıynsha onyń qyzmeti ýaqytsha toqtatyl­ǵan edi. Bul rette saılaý ko­mıssııalarynyń Qazaq­stan­nyń Kommýnıstik partııa­sy­nyń usynymy boıynsha saı­lanǵan músheleri ózderiniń jumysyn jalǵastyratyn bo­lady. Májilis depýtaty bolyp saılaný úshin azamat Kons­tı­týsııanyń 51-baby 4-tar­ma­ǵy­men belgilengen talap­tar­dy qanaǵattandyrýy, son­daı-aq Konstıtýsııanyń 33-baby 2 jáne 3-tar­maq­ta­ryna sáıkes belsendi saılaý quqyǵyna ıe bolýy tıis. Osy­laısha, jasy 25-ke tol­ǵan, Qazaqstan Respýb­lı­ka­sy­nyń azamattyǵynda tu­ra­tyn jáne onyń aýmaǵynda sońǵy on jylda turaqty tu­ryp jatqan adam Májilis depýtaty bola alady. Sot is-áreketke qabiletsiz dep ta­nyǵan, sondaı-aq sot úki­mi­men bas bostandyǵynan aıy­rý oryndarynda otyrǵan azamattardyń saılaý jáne saılaný quqyǵy joq. Birtutas jalpyulttyq saı­laý okrýginiń aýmaǵy boı­ynsha Májilis depýtattyǵyna saılaý úshin adamdardy par­tııa­lyq tizimge engizý saıası par­tııanyń joǵary organy mú­sheleriniń jalpy sanynyń kópshilik daýysymen júr­giziledi. Saıası partııalardyń partııalyq tizimderge osy saıa­sı partııanyń músheleri bolyp tabylmaıtyn adam­dar­dy kirgizýge quqyǵy joq. Saıası partııanyń joǵary or­ganynyń sheshimi azamattyń partııalyq tizimge engizýge ke­lisimi týraly ótinishimen birge Ortalyq saılaý ko­mıssııasyna jiberiledi. Saıası partııalar tizimderdi memlekettik tildiń álipbıi retimen jasaıdy. Partııalyq tizimdi saıası partııanyń ókili saıası partııanyń joǵary organynyń partııalyq tizimdi usyný týraly hattama­sy­nan úzindi kóshirmemen birge bir mezgilde Ortalyq saılaý komıssııasyna usynady. Otyrysta sondaı-aq Or­talyq saılaý komıssııasy Qazaqstan Respýblıkasy más­lıhattarynyń kezekti saı­laýyn 2012 jylǵy 15 qań­tarǵa taǵaıyndaý jáne tıisti Kúntizbelik jospardy bekitý týraly qaýly qabyldady. Ortsaılaýkomnyń tór­aǵa­sy Q.Turǵanqulov oty­rys­tan soń bolǵan brıfıngte: «Málıhattar depýt­attary­nyń kezekti saılaýyn par­tııalyq tizimder boıynsha saılanatyn Parlament Má­jilisi depýtattarynyń kezekten tys saılaýymen qatar ótkizý týraly sheshim qabyl­daı kele, biz zańnyń saı­laý­dy taǵaıyndaý men ótkizýge qatysty normalaryn, son­daı-aq bul saılaýlar Prezıdent saılaýymen jáne Parlament Senaty depýtat­ta­ry­nyń saılaýymen bir mezgilde ótkizile almaıtyny tý­ra­ly talaptaryn tolyq saqtap otyrmyz», – dedi. Ortsaılaýkom qabyl­da­ǵan Kúntizbelik josparǵa sáı­kes buqaralyq aqparat quraldarynda saılaý ýchas­ke­leriniń shekaralary tý­raly, sondaı-aq ýchaskelik saılaý komıssııalarynyń qu­ramy týraly aqparat 23 qarashadan keshiktirilmeı, al máslıhattar depýtattaryn saı­laý boıynsha saılaý ok­rýgteriniń tizimi, olardyń shekaralary men ornalasqan jeri, aýmaqtyq jáne más­lı­hattar depýtattaryn saılaý boıynsha okrýgtik saılaý komıssııalarynyń quramy 26 qarashadan keshiktirilmeı jarııalanýy tıis. Al saılaý naýqanynyń negizgi kezeńderi myna merzimderde ótetin bolady: par­tııalyq tizimder boıynsha saılanatyn Parlament Má­ji­lisi depýtattarynyń kezekten tys saılaýynda kan­dı­dattardy usyný 16 qara­shadan 5 jeltoqsanǵa deıin júredi. Partııalyq tizimderdi tirkeý 16 qarashadan bastap 15 jeltoqsanǵa deıin júrgiziledi. Máslıhattar de­pýtattarynyń kezekti saı­laýy­na kandıdattar usyný 2011 jylǵy 16 qarasha men 14 jeltoqsan arasyndaǵy ke­zeńde ótedi. Bul rette más­lıhattar depýtattyǵyna kan­dıdattar usynýdy belgilengen tártippen tirkelgen res­pýblıkalyq jáne jergilikti qoǵamdyq birlestikter, son­daı-aq olardyń qurylym­dyq bólimsheleri jáne ózin-ózi usyný jolymen azamattar júzege asyrady. Qazaqstan halqy Assam­bleıasy saılaıtyn Parlament Májilisi depýtattaryn saılaý jónindegi saılaý rá­simderiniń merzimi par­tııa­lyq tizimder boıynsha saı­la­natyn Parlament Má­ji­lisi depýtattarynyń saı­laýy úshin anyqtalǵan merzimdermen sáıkes kelmeıdi. Zań buǵan jol beredi. Qa­zaq­stan halqy Assambleıasynan saılanatyn Parlament Má­ji­lisi depýtattyǵyna kandıdattar usyný 16 jeltoq­san­da bastalady. Qazirgi ýa­qyt­ta Ortalyq saılaý komıs­sııa­sy barlyq qajetti kadr­lyq jáne materıaldyq re­sýrs­tarǵa ıe. OSK saılaýdy tıisti uıymdastyrýshylyq deńgeıde ótkizýge, azamat­tar­dyń jáne barlyq saılaý úde­risine qatysýshylardyń ózderiniń konstıtýsııalyq qu­qyǵyn erikti ári tıimdi iske asyrýyn qamtamasyz etýge daıyn. Jýyq arada Úki­met saılaý naýqanynyń qar­jylyq máselelerin sheshetin bolady. Ortsaılaýkom saılaý naý­qandaryn ázirleý men ót­kizýge qajetti saılaý qujat­tarynyń úlgilerin de keshegi otyrysynda bekitti. Barlyq deńgeıdegi saılaý komıs­sııa­lary tolyǵymen jasaq­tal­ǵan jáne jumysqa qabiletti. Jyl boıy taǵy 42 ýchaskelik saılaý komıssııasy qury­lyp, olardyń quramy saı­lan­ǵan. Jaqynda Syrtqy ister mınıstrligine halyqara­lyq baıqaýshylar ınstı­tý­tyn ashý týraly hat jol­da­na­tyn bolady. Saılaý zań­na­masyna sáıkes shetmemleketter men halyqaralyq uı­ymdardyń baıqaýshylaryn ak­kredıtteýdi Ortalyq saılaý komıssııasy Syrtqy ister mınıstrliginiń usynymy boıynsha 2012 jylǵy 10 qańtarǵa deıin júrgizedi. Brıfıng sońynda bolýy múmkin máselelerdiń aldyn ala otyryp, Q.Turǵanqulov «Saılaý» avtomattandy­ryl­ǵan aqparattyq júıesiniń bul saılaýda paıdalanyl­maı­tynyn aıtty, sondaı-aq buqaralyq aqparat qural­da­rynyń ókilderin jaqyn arada Ortalyq saılaý komıs­sııa­synyń turaqty jumys isteıtin baspasóz ortaly­ǵy­nyń ashylatyny týraly da habardar etti. Álısultan QULANBAI.