Sýret: dknews.kz
Arnaıy qurylǵan komıssııa talmaı jumys atqaryp, ár baptyń mazmunyna tereń úńilip, memleket pen qoǵamnyń bolashaq baǵytyn aıqyndaıtyn qujatty muqııat pysyqtady. Zańgerler men ǵalymdar, depýtattar men qoǵam ókilderi ortaq maqsat jolynda kúsh biriktirip, halyq únine qulaq asty.
Talqylaýlar ashyq ótti, azamattar óz usynystaryn aıtyp, pikir bildirdi. Sonyń arqasynda joba shynaıy halyqtyq sıpat aldy. Konstıtýsııa jobasynda adam quqyǵyn qorǵaý máselesi aldyńǵy orynǵa shyqty, bılik tarmaqtarynyń jaýapkershiligi naqtylandy, ádiletti qoǵam qurýǵa baǵyttalǵan qaǵıdattar aıqyndaldy. Jergilikti ózin-ózi basqarýdy damytýǵa, el azamattarynyń memleket isine belsendi qatysýyna keń jol ashatyn tetikter qarastyryldy. Munyń barlyǵy táýelsiz Qazaqstannyń kelesi damý belesine senimdi qadam jasaýyna negiz qalaıdy.
Memleket basshysy Qasym Jomart Toqaev Konstıtýsııa taǵdyryn halyqtyń ózi sheshýi qajet ekenin atap ótip, 15 naýryzda respýblıkalyq referendým ótkizý týraly Jarlyqqa qol qoıdy. Bul sheshim el azamattaryna ortaq jaýapkershilikti sezindiredi, ár adamǵa óz tańdaýyn jasap, memleket bolashaǵyna yqpal etý múmkindigin beredi.
Qoǵam jańarý men ózgeristi talap etip otyrǵan shaqta referendým ótkizý – óte oryndy qadam. Árbir sanaly azamat úshin aldaǵy saıası naýqan el taǵdyryna beıjaı qaramaı, azamattyq jaýapkershilikti tanytýdyń mańyzdy sáti bolmaq. Daýys berý arqyly ár adam óz tańdaýyn jasap qana qoımaı, memleket bolashaǵynyń qandaı baǵytta órbıtinine tikeleı yqpal etedi. О́ıtkeni Konstıtýsııanyń mazmuny búkil qoǵamnyń ómirine áser etedi, al ony aıqyndaý halyqtyń ortaq erkine baılanysty. Men de jańa Konstıtýsııa jobasyn qoldaı otyryp, onyń elimizdiń damýyna, ádiletti ári berekeli qoǵam qalyptastyrýǵa qyzmet etetinine senemin jáne barsha azamattardy osy mańyzdy bastamany qoldaýǵa shaqyramyn!
Akbarjon ISMAILOV,
Tájik etnomádenı ortalyǵynyń tóraǵasy
