Básekege qabiletti bolýdyń baspaldaǵy

Joldaý júktegen mindetter taban astynan shyǵa qalmaǵany anyq. Elimiz bul jolǵa syndarly eńbekpen kelgeni aqı­qat. Biz óz jumysymyzdyń barysynda buǵan kún saıyn kýá bolyp kelemiz. Mysalǵa Qazaqstandaǵy til saıasatyn alyp qaraıyq. Jyl ótken saıyn elimizde memlekettik tildiń mártebesi ósip, abyro­ıy arta túsýde. Al úsh tuǵyrly til ómir­lik qajettilikten týynda­­ǵ­an ıdeıa ekendigi belgili. Qaı zamanda bolsyn, birneshe tildi meń­ger­gen memleketter men halyq­tar óziniń kommýnıkasııa­lyq jáne ıntegrasııalyq qabiletin keńeıtip otyrǵan. Sondaı-aq búgingi Eýropada da kóp tildi meńgerýshilik jalpyǵa ortaq norma bolyp sanalady. Iаǵnı búgingi tańda Qazaqstan úshin úshtuǵyrly til – eldiń básekege qabilettilikke umtylýda birin­shi baspaldaǵy. О́ıtkeni birne­she tilde erkin sóıleı de, jaza da biletin qazaqstandyqtar óz elinde de, shetelderde de básekege qabiletti tulǵaǵa aınalady. 

Elbasynyń «Tórtinshi ónerkásiptik revolıýsııa jaǵ­daıyn­daǵy damýdyń jańa múm­kindikteri» atty Jol­daýynda aıtylǵan 10 min­det­tiń jeteýi adamı kapıtaldy damytýǵa baılanysty órbip otyr. Osy oraıda Memleket basshysy úsh tildi erkin meńgerýdiń mańyzdylyǵyna jete toqtaldy. Iаǵnı Qazaqstannyń bolashaǵy úsh tildi erkin meńgerýinde ekendigin qadap aıtty. «Qazaq tili ǵumyrly bolsyn desek, ony qazirgi zamanǵa laıyqtaý qajet», dedi Prezıdent.  

Almaty oblysy da mem­le­kettik tildiń mártebesin kóterý jolynda ózinshe úles qo­syp keledi. О́ńirde 2005 jyly qurylǵan oblystyq til bas­qar­masynyń bastamasymen tildi damytýǵa baǵyttalǵan sharalar júıeli túrde júrgiziledi. Elbasynyń Joldaýda aıt­qan qazaq tiliniń mańyzdyly­­ǵyn arttyrý jolyndaǵy tapsyr­masy aldaǵy atqarylar isimiz­di jandandyrýǵa oń yqpalyn tıgizbek. 

Sondaı-aq óz Joldaýynda Nursultan Ábishuly Nazarbaev termınderdi qazaq tiline aýdarý barysynda kezdesetin má­se­le­lerge de toqtaldy. Mem­leket basshysy sońǵy jyldary álem­de qalyptasqan 7 myń ter­mın­niń qazaq tilindegi aýdar­masy kúlki týǵyzatynyn aıtyp, termınologııa turǵysynan qazaq tilin halyqaralyq deńgeıge jaqyndatý qajet dedi. Al latyn grafıkasyna kóshý bul máse­le­ni retteýge múmkindik beretinine senim bildirdi. 
Joldaýda aıtylǵan ár másele kim-kimge de tereń oı qal­­dyrdy degen oıdamyn. Al bul mindetterdi oryndaý jolynda biz de táýelsiz elimizdiń nyǵaıýyna óz úlesimizdi qosýǵa árqashan daıynbyz. Pre­zıdent Joldaýy bul árbir qazaqstandyqty belsendi bolýǵa shaqyrady. 

Aıdar BAShBAEV,
Almaty oblysynyń tilderdi damytý basqarmasynyń
basshysy