- Qazaqstan Respýblıkasynda agroónerkásiptik keshendi damytýdyń 2013-2020 jyldarǵa arnalǵan «Agrobıznes-2020»baǵdarlamasy kásiporyndardyń básekege qabilettiligin arttyrýǵa jáne tutastaı alǵanda agroónerkásip keshenin damytýǵa baǵyttalǵan. Sondyqtan, birinshi kezekte maldyń sanyn kóbeıtý jáne azyq-túlik ónimderin óndirý jobalaryn júzege asyrý qajet. Osy maqsatta ınvestorlar tartýǵa jáne kásipkerlikti qoldaýǵa qoljetimdi nesıeler berý jumystary qolǵa alyný kerek. Sondyqtan bıylǵy jyly elimizde alǵash ret «Damý» qorymen birlese otyryp shaǵyn jáne orta bıznes jobalaryna 1%-ben nesıe berýdi bastaımyz, - dedi aımaq basshysy E. Toǵjanov.
Atalmysh aýdandaǵy aıtýly nysandardyń biri - «Caspian Offshore Construction»JShS-y. 2003 jyly qurylǵan 100% qazaqstandyq keme qatynasy kompanııasy – Kaspıı teńizindegi teńiz qyzmet kórsetý parkiniń operatory. Kompanııada 591 qyzmetker bar, onyń ishinde 389-y ekıpaj músheleri.О́tken jyldyń sońynda kompanııa flot sany 40 kemege jetti, onyń 19-y «NSOS» -ke tıesili.2018 jyly Kaspıı teńiziniń qazaqstandyq sektorynda jumys isteý úshin kompanııa taǵy 7 kemeni jumyldyrýǵa nıetti. Qazirgi tańda kompanııa bazasynda bolashaq teńizshilerdiń kýrsy uıymdastyrylyp, onda jergilikti mektepterdiń 30 oqýshysy bilim alýda.
Gúlaıym ShYNTEMIRQYZY,
«Egemen Qazaqstan»
