Otan qorǵaýshylardy tárbıeleýdiń ozyq úlgisi

Tárbıe jumysyn jaqsartý, áskerı tártip pen quqyq tártibin nyǵaıtý, áskerı qyzmet­shiler­diń jáne olardyń otbasy mú­she­leriniń áleýmettik-quqyq­tyq qorǵanysy úshin jaýap­ker­shilikti kóterý maqsatynda quryl­ǵan bul qurylym búginde jeke quramdy oqytý men pat­rıottyq tárbıeleý júıesinde mańyzdy orynǵa ıe. Armııa­daǵy ótkiziletin tárbıe jumysy­­nyń sapasy men deńgeıine ár­qa­­shan da qatań talaptar qoıy­lyp keledi. О́ıtkeni tárbıe jumysy or­gandaryn qurý Qarýly Kúsh­terdiń qalyptasý dáýiriniń ajyramas bóligi.

Qurylǵan sátten bastap tár­bıe qurylymdarynyń ofı­serleri komandırlermen jáne shtabtarmen birlese ózderi­niń maqsatty qyzmetimen áskerı ujymdardy biriktirýge, áskerı qyz­met­tiń bedeli men ımıdjin ny­­­ǵaı­týǵa baǵyttalǵan min­det­terdi iske asyrý salasynda aýqym­dy jumystar atqardy. Tár­bıe­shi-ofıserler búgingi kúnde aqparattyq-tárbıe, ıdeo­lo­gııa­lyq, mádenı-demalys, bu­qara­lyq-sporttyq jáne áske­rı-áleýmettik jumys júıesi arqyly jaýyngerlik jarysty uıymdastyrýǵa jáne áskerı ujymdardy jumyldyrýǵa belsene atsalysady. Árıne, Qarýly Kúshterdiń qalyptasýy men damýynyń eń qıyn kezeń­derinde qyzmetti tas­tap ketpegen asa qurmetti arda­ger­lerimizdiń esimi erekshe atap ótýge laıyq. Olar­dyń qata­rynda naǵyz generaldar men ofıserler, adal patrıottar, óz isiniń has sheberleri bar. Máselen, general Aıtqalı Esenǵulov, Marat Naǵumanov, Vladımır Bondarenko, polkovnık Mels Shampıev, Qaıyrjan Baıjigitov, Galı Gabdýllın, Qazbek Mamsurov, Bastımı Dúı­sembaev, Bolat Názirov, Aman­geldi Ybyraev, Serikqan Qaıyrqanov syndy elimizdiń qorǵanys qabiletin nyǵaıtýǵa úlken úles qosqan ardagerler. Genaral-leıtenant Murat Jáleluly Maıkeev Qorǵanys mınıstriniń birinshi orynbasary – QK Bas shtabynyń basshysy retinde osy lekti jalǵastyryp keledi.

Búgingi tańda patrıotızm ól­shem­deri jalpyulttyq mindet­ter qatarynda. Sondyq­tan da tárbıe qurylymdary ofı­ser­leri­niń basty mindetteriniń biri – jeke quramǵa Elbasy­nyń «Rýhanı jańǵyrý» baǵdar­lama­syn túsindirý bolyp tabylady.

Sonymen qatar bıylǵy Jol­daýynda Memleket basshy­sy bizdiń qoǵamnyń ıdealy óz tarıhyn, tilin, mádenıetin biletin, aldyńǵy qatarly jáne jahandyq kózqarasy bar qazaq­standyq bolýy tıis ekenin atap ótti.

Osy oraıda búgingi kúni Qarý­ly Kúshterde tárbıe jáne ıdeologııalyq jumys or­gan­dary qury­lymy qu­ryl­dy. Olardyń már­te­besi joǵarylady, Qarýly Kúsh­ter­diń barlyq túrlerinde, óńir­lik qolbasshylyqtarda bas qol­basshylardyń jáne qol­bas­shylardyń tıisti orynbasarlary basqaratyn tárbıe jáne ıdeologııalyq jumystar basqarmalary, bólimderi qyz­met atqarady. Qarýly Kúshter­de psıhologııalyq jáne áleýmet­tik jumysty jaqsartý, áskerı bólimder men mekemelerde ás­kerı tártip pen quqyq tártibin qam­tamasyz etý úshin áskerı bólimder men batalondardyń psıhologi laýazymy engizildi. Sol sııaqty ıdeologııalyq ju­mys belsendiligin arttyrý men armııa ortasyna syńarjaq ıdeıa­l­ardy kirgizbeý jónindegi ju­mysty uıymdastyrý úshin ıdeo­lo­gııalyq jumys jáne arnaıy nasıhat jónindegi ofıserler laýazymy taǵaıyndaldy.

Búginde tárbıe jumysy or­gan­darynyń ózekti másele­leri­niń biri áskerı qyzmet­shiler­diń otbasylarynda moraldyq-ónege jaǵdaıyn qurý bolyp ta­by­lady. Ol je­ke quramnyń mindetterdi oryn­­­daýyna áser etetini sózsiz. Osy­ǵan baılanysty Qorǵanys mı­nıstri, general-polkovnık Sáken Jasuzaqovtyń bastamasy boıynsha áskerı basqarý organ­darynda, áskerı bólimderde áskerı qyzmetshilerdiń otbasylarymen jumys jónindegi laýa­zym (áıelder keńesi), ardagerlermen jumys jasaý jóninde bólim engizildi, áskerı bólimder men mekemelerde alǵashqy ardagerler uıymy quryldy. Mu­nyń bári de ártúrli másele­ler­di birlese sheshý arqy­ly ur­paq­­tardyń sabaqtasty­ǵyn qam­­ta­ma­syz etedi, onsyz Qarý­­ly Kúshterdiń odan ári damýyn elestetý qıyn. Áskerı-patrıottyq tárbıeleýdegi baı tájirıbeniń qaınar kózi re­tin­de ardagerlerimiz áskerı ujym­dardyń qoǵamdyq ómirine belsendi qatysýda.

Sonymen qatar tárbıe ju­my­sy organdary qyzmetiniń basym baǵyttarynyń biri áske­rı qyzmetshiler men óskeleń urpaqty «Máńgilik el» jalpy­ult­tyq ıdeıasy rýhynda tárbıe­leý bolyp tabylady.

Jastar uıymdary, áskerı-patrıottyq klýbtardyń qyz­metin úılestirý maqsatyn­da Ult­tyq áskerı-patrıottyq orta­­lyqtyń bazasynda bar­lyq óńirlerdegi fılıaldary­men elimizdegi áskerı-patrıottyq qozǵalystyń ortalyq organy bolǵan «Jas sarbaz» res­pýb­­lıkalyq balalar men jas­­óspirimder áskerı-pat­rıot­tyq qozǵalysy quryldy. Bú­gin­de uıym qaramaǵyn­daǵy klýb­tar­dyń sany 2 828 deıin ósti, al balalardy qamtýy 73 164-ke jetti jáne áskerı bó­lim­der janynda 150 klýb qu­ry­­lyp, onyń aıasynda 4 361 bala qamtyldy. «Jas sarbaz» qozǵalysy basqa memlekettik organdarmen jáne qoǵamdyq qozǵalystarmen birlese res­pýb­lıka aýqymynda jastardy áskerı-patrıottyq tárbıeleý boıynsha 130-dan astam túrli is-shara uıymdastyrdy. Sondaı-aq mektepterde patrıottyq tár­bıe berý isin uıymdastyrý jelisi keńeıtildi. Osylaısha, áskerı-patrıottyq klýbtardyń árbir tórtinshi tárbıelenýshisi óz ómirin áskermen baılanystyrady deýge negiz bar. Kórsetilgen is-sharalar áskerı ujymdar­da moraldyq-psıhologııa­lyq jaǵ­daıdy saýyqtyrýǵa, ásker­ge deıingi jastardy áskerı-pat­rıottyq tárbıeleýge sebepshi boldy.

Muhamedjan TALASOV,
Qazaqstan Qarýly Kúshteri Bas shtaby bastyǵynyń orynbasary, general-maıor