Jeńis Qasymbektiń aıtýynsha, búgingi tańda qazaqstandyq áýe kompanııalarynan Eýroodaq elderine ushýǵa barlyq shekteýler alyp tastaldy — bes otandyq áýe kompanııasy (Air Astana, SCAT, “Komlıýks”, “KazEırDjet” jáne Prime Aviation) Eýropaǵa ushýǵa quqyly.
2017 jylǵy 22-30 qarasha aralyǵynda IKAO avıasııa qaýipsizdigi boıynsha aýdıt júrgizgen bolatyn, ol áýejaılardyń qaýipsizdik júıesin keshendi tekserýdi kózdeıdi. Aldyn ala baǵalaý boıynsha, IKAO sarapshylary Qazaqstannyń edáýir ilgerileýin atap ótti jáne IKAO reıtıngisinde kórsetkishterimiz jaqsarady dep kútilýde. Resmı nátıjeler 2018 jylǵy 1 aqpanǵa qaraı jarııalanady.
«Memleket basshysynyń tapsyrmasymen «100 naqty qadam» Ult jospary aıasynda salany memlekettik retteýdiń brıtandyq úlgisine kóshý kútilýde (eskertý — 68 qadam). Bul bilikti ınspektorlardyń bolýy boıynsha IKAO tapsyrmasyna sáıkes kelýge jáne 80% ushýlardyń qaýipsizdik deńgeıi boıynsha alǵa qoıylǵan maqsatqa jetýge múmkindik beredi», — dep atap ótti Jeńis Qasymbek.
Mınıstr pılottyq rejımde 2017 jylǵy maýsymda «Ekspo-2017» ótkizý kezinde Astana jáne Almaty áýejaılary arqyly qazaqstandyq áýe kompanııalarymen tranzıtpen ótetin QHR azamattary úshin 72-saǵattyq vızasyz rejım engizilgenin, ol 2018 jyldyń sońyna deıin uzartylǵanyn eske saldy. Tranzıttik áleýetti odan ári damytý úshin Úndistannyń tranzıttik azamattary úshin sáıkes rejım máselesi pysyqtalýda.
Búgingi tańda Qazaqstanda áýe kóligi ınfraqurylymyn jańǵyrtý is júzinde aıaqtaldy — táýelsizdik alǵan sátten beri 15 ushý-qoný jolaqtary men 11 áýejaı termınaly jóndeýden ótti. Shaǵyn avıasııany damytý úshin qatty jabyndy 5 aerodrom jáne topyraqty jabyny bar 11 aerodromdy salý jáne jóndeý qarastyrylǵan.
«Barlyǵy 2017 jyly Qazaqstan áýejaılary 14,2 mln jolaýshyǵa qyzmet kórsetti, bul 2016 jylǵy kórsetkishten 17% artyq (eskertý — 12,2 mln jolaýshy). О́tken jyly «Nurly jol» baǵdarlamasyn oryndaý aıasynda Astana qalasyndaǵy Nursultan Nazarbaev áýejaıynyń jańa termınalynyń qurylysy aıaqtaldy, ol Astanany Ortalyq Azııa aýmaǵyndaǵy óńirlik hab retinde damytýǵa múmkindik beredi», — dep túıindedi Jeńis Qasymbek.
Talqylaý barysynda «Eır Astana» áýe kompanııasynyń qyzmeti týraly málimetti onyń prezıdenti Pıter Foster jetkizdi.
Osy máseleni qorytyndylaı kele, Premer-Mınıstr Baqytjan Saǵyntaev azamattyq avıasııany damytý máselesi óte ózekti jáne mańyzdy ekenin atap ótti. Búginde otandyq azamattyq avıasııanyń ınfraqurylymy halyqaralyq standarttarǵa sáıkes keltirildi. Premer-Mınıstr jaǵymdy jaǵy retinde 2018 jyly jolaýshylar aǵymynyń 800 myń adamǵa deıin ulǵaıýy josparlanǵanyn atap ótti.
Osyǵan baılanysty Baqytjan Saǵyntaev ınvestısııalr jáne damý mınıstrligine ózge de múddeli vedomstvolarmen birge mıllıard halqy bar Úndistan azamattary úshin 72-saǵattyq vızasyz rejım engizý máselesin qaraýdy tapsyrdy. Budan ózge, sáıkes memlekettik organdarǵa otandyq monopolııaǵa qarsy zańnamaǵa qarsy kelmegen jaǵdaıda, áýejaılardyń qyzmet kórsetý boıynsha tarıfterin olardy tómendetý turǵysynan retteý tapsyryldy.
Tapsyrmalardy oryndaýdy baqylaý Premer-Mınıstr
