2017 jylǵy 15 maýsymda Hanoıda jasalǵan Shart árbir ýaǵdalasýshy memlekettiń óz aýmaǵynda bolatyn, ustap berýge alyp keletin qylmystar úshin qylmystyq qýdalaý nemese suraý salýshy taraptyń aýmaǵynda sottyń úkimin oryndaý maqsatynda izdestirilip jatqan adamdy ustap berýine baǵyttalǵan. Qujat ustap berý jáne ustap berýden bas tartý úshin negizderin retteıdi.
Komıtet otyrysynda aıtylǵan derekter boıynsha, qazaqstandyq sottyń ádil qazylyǵynan Vetnamda jasyrynyp júrgen nemese vetnamdyq bılik bizdiń elden izdeý salǵan tulǵalar joq. Sonymen qatar, Sharttyń aldyn alý sıpaty bar ekenin eskersek, shart jasasý qylmysqa qarsy kúres salasynda tıimdi yntymaqtastyqtyń quqyqtyq negizin qalyptastyrady.
Bas prokýrordyń orynbasary Andreı Lýkınniń senatorlarǵa bergen aqparaty boıynsha, búginde Qazaqstan alys shetelderden ekstradısııalaý týraly ekijaqty 19 konvensııa jasasqan. Qazaqstan TMD elderi boıynsha Kıshınev jáne Mınsk konvensııalarynyń negizinde jumys isteıdi, al Latyn Amerıkasy elderimen yntymaqtastyq ekstradısııalaý Amerıkaaralyq konvensııaǵa sáıkes júzege asyrylady. Jaqyn bolashaqta Brazılııa, Makedonııa, Grekııa jáne Kýba elderimen osyndaı kelisimderge qol qoıý josparlanyp otyr.
Zań jobasy Palata qaraýyna jiberildi.
