Mádenıet pen tarıhtyń ordasy bolyp sanalatyn Elordanyń tarıhı nysandaryn zertteı kele Oqýshylar saraıynyń «Jas ólke tanýshylar» úıirmesiniń tárbıelenýshileri osy kitapty qarapaıym ári túsinikti tilmen jazyp, mádenı nysandardyń sýretterin qosqan.
«Astananyń jalpyulttyq kıeli oryndary» kitaby elordamyzda ornalasqan tarıhı nysandar týraly. Oǵan bas qalamyzdaǵy tarıhı mándi, rýhanı qundy jıyrma nysan engen. Olardyń qatarynda Q.Qýanyshbaev atyndaǵy Memlekettik akademııalyq qazaq mýzykalyq drama teatry, Sáken Seıfýllın atyndaǵy mýzeı, Báıterek, «Máńgilik el» qaqpasy taǵy da basqa nysandar engen.
«Kitap «Jas ólke tanýshylar» úıirmesi tárbıelenýshileriniń eńbegi. Negizi kitap shyǵaramyz demedik. Úıirmege kelip júrgen balalarǵa qala tarıhyn tereńnen bilý maqsatynda ózderi qalaǵan bir nysanmen tanysyp, ǵylymı jumys jazýdy usyndyq. Balalar úlken qyzyǵýshylyq tanytyp, aqparatty ınternetten ala salmaı, ár nysanǵa baryp, tarıhymen tanysty. О́zderine de tanymdyq jumys boldy. Sodan keıin osy nysandar tarıhyn basqa da balalar bilsin, tanyssyn degen nıetpen kitap qylyp shyǵarýdy usyndy. Bilim basqarmasy bizdiń usynysty qoldap kitap shyǵardyq», – dedi Oqýshylar saıy dırektorynyń oqý jáne tárbıe isi jónindegi orynbasary Nábıbolla Dosbolov.
Jalpy kitaptyń taralymy – júz dana. Kitappen tanysa otyryp elimizdiń bas qalasy Astanamyzǵa qatysty tarıhı derekter taba alasyzdar.
Árbir azamattyń ózine degen qurmeti – ózi turyp jatqan qalasyn, elin, tarıhyn qurmetteýden bastalady. О́z tarıhyn jaqsy bilgen, tanyǵan adam búgingi is-áreketin baqylap, bolashaǵyn minsiz josparlaı alady.
